web counter
LEXO PA REKLAMA!

SHKARKO APP

App Store
Google Play

Zgjedhjet në 6 bashki të vendit/ Celibashi tregon shifrën, sa do të kushtojë procesi

3 Tetor 2025, 12:59, Aktualitet CNA
Zgjedhjet në 6 bashki të vendit/ Celibashi tregon shifrën, sa do
Ilirjan Celibashi

Kreu i Komisionit Qendror të Zgjedhjeve, Ilirjan Celibashi, ka folur sot në një konferencë për mediat lidhur me zhvillimin e zgjedhjeve lokale në 6 bashki të vendit.

Celibashi ka treguar gjatë fjalës së tij edhe buxhetin që do të nevojitet për zhvillimin e zgjedhjeve, ku tha se nga një vlerësim paraprak, buxheti i nevojshëm është 306 milionë lekë.

Kryekomisioneri bëri po ashtu me dije se fushata zgjedhore do të zhvillohet nga data 1 nëntor deri në datën 8 nëntor.

"Në një vlerësim paraprak për kostot e këtyre zgjedhjeve duke përfshirë personelin që do të angazhohet, identifikimin elektronik dhe pjesën tjetër të logjistikës zgjedhore, kemi një vlerë 306 milionë lekë. Nesër ose pasnesër do të finalizohet drafti për këto zgjedhje. Fushata zgjedhore do të zhvillohet nga data 1 nëntor deri më datë 8 nëntor. Jemi në procesin e rekrutimit të personelit për këto zgjedhje. KQZ dhe i gjithë stafi po punojnë 24/7 për mundësimin e zgjedhjeve në të gjitha standardet", u shpreh Celibashi ndër të tjera./CNA





Lajmet e fundit nga