web counter
LEXO PA REKLAMA!

SHKARKO APP

App Store
Google Play

Konflikti mes të miturve në Kamëz/ Zbardhen rrethanat e plagosjes

3 Tetor 2025, 08:52, Aktualitet CNA

Konflikti mes të miturve në Kamëz/ Zbardhen rrethanat e plagosjes

Janë zbardhur rrethanat e konfliktit të ndodhur ditën e djeshme mes pesë të miturve në bulevardin “Nënë Tereza” në Kamëz. Sipas informacioneve policore, në pranga janë vënë 2 prej tyre, të cilët plagosën me thikë dhe goditën me grushte tre 16-vjeçarët e tjerë.

Ngjarja raportohet se ka ndodhur pas një sherri për motive të dobëta mes tyre.

Ndërkohë bëhet me dije se njëri prej të dëmtuarve është aktualisht në kujdesin e mjekëve, ndërsa 16-vjeçari tjetër, jashtë rrezikut për jetën. I plagosuri i tretë është larguar në banesë me dëmtime të lehta. Policia po punon për gjetjen e thikës së përdorur në konflikt.

Njoftimi i policisë:

Tiranë/Zbardhen rrethanat e konfliktit për motive të dobëta, të ndodhur dje, në bulevardin “Nënë Tereza”, Kamzë, ndërmjet pesë 16-vjeçarëve.

Arrestohen 2 të miturit që dëmtuan me mjet prerës (thikë) dhe me grushte, 3 të miturit e tjerë.

Në vijim të hetimeve të kryera në drejtimin e Prokurorisë së Tiranës, për sqarimin e rrethanave të konfliktit të datës 02.10.2025, në bulevardin “Nënë Tereza”, në të cilin u përfshinë 5 shtetas të mitur, specialistët për Hetimin e Krimeve të Komisariatit të Policisë Nr. 5, në praninë e prindërve, psikologut dhe mbrojtësve ligjorë, kryen veprimet procedurale për arrestimin në flagrancë të dy 16-vjeçarëve.

Të miturit e arrestuar dyshohet se kanë dëmtuar me mjet prerës (thikë) dhe me grushte, 3 të miturit me të cilët janë konfliktuar për motive të dobëta.

Njëri prej të dëmtuarve është aktualisht në kujdesin e mjekëve, ndërsa 16-vjeçari tjetër, jashtë rrezikut për jetën. I dëmtuari i 3-të, është larguar në banesë, me dëmtime të lehta.

Punohet për gjetjen e mjetit prerës të përdorur.

Materialet procedurale iu referuan Prokurorisë së Tiranës, për veprime të mëtejshme./CNA





Lajmet e fundit nga