web counter
LEXO PA REKLAMA!

SHKARKO APP

App Store
Google Play

E fundit!

x

U arrestua me urdhër të SPAK-ut për vrasjen e Edmir Bregut/ GJKKO lë në burg vëllain e deputetit të PS-së

4 Tetor 2025, 12:15, Aktualitet CNA
U arrestua me urdhër të SPAK-ut për vrasjen e Edmir Bregut/ GJKKO
Loer Kume

Gjykata e Posaçme ka lënë sot në fuqi masën e sigurisë “arrest me burg” për Enea Kumen, vëllain e deputetit të Partisë Socialiste, Loer Kume.

Enea Kume u vu në pranga pasi SPAK-u zbardhi vrasjen e Edmir Bregut, më datë 21 nëntor të vitit 2021, në qytetin e Durrësit. Sipas njoftimit të SPAK-ut, Kume është i dyshuar për veprat penale:

a. “Vrasje me paramendim”, kryer për hakmarrje, në dëm të shtetasit Edmir Bregu alias Ilir Kuçi (Maloku)  në datën 24.01.2021 në qytetin e Durrësit, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal.

b. “Grupi i strukturuar kriminal”, parashikuar nga neni 333/a/2 i Kodit Penal.

c. “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4 dhe 334, paragrafi i parë të Kodit Penal.

Lidhur me arrestimin e të vëllait ka reaguar edhe deputeti socialist, Loer Kume. Deputeti tha se për sa kohë që nuk ka vendim fajësie, ai do ta konsiderojë atë të pafajshëm. Ai theksoi se të gjithë janë përgjegjës për jetën e tyre dhe veprimet që ndërmarrin.

"Më informuan mbrëmë, ai është arrestuar dhe është i dyshuar dhe për sa kohë që nuk ka vendim fajësie, unë do ta konsideroj të pafajshëm derisa drejtësia të flasë. Por të gjithë janë përgjegjës për jetën e tyre dhe vendimet që marrin në jetën e tyre, por le të mos flasim para kohe", tha deputeti Loer Kume./ CNA





Lajmet e fundit nga