web counter
LEXO PA REKLAMA!

SHKARKO APP

App Store
Google Play

Aksidenti me një viktimë/ AMP arreston punonjësin e policisë në Gjirokastër

4 Tetor 2025, 08:57, Aktualitet CNA

Aksidenti me një viktimë/ AMP arreston punonjësin e policisë

Një punonjës policie është arrestuar në Gjirokastër, pasi ka përplasur ditën e djeshme për vdekje me makinë një person.

Shefi i Kufirit të Gjelbërt Kakavijë, A.M., u arrestua në flagrancë për kryerjen e veprës penale “Shkelja e rregullave të qarkullimit rrugor”. Punonjësi i policisë iu nënshtrua edhe testit të alkoolit, i cili rezultoi negativ.

"Agjencia e Mbikëqyrjes Policore (Rajoni Vlorë - Gjirokastër) ka arrestuar në flagrancë punonjësin e policisë A. M., me detyrë Shef i Kufirit të Gjelbërt Kakavijë në DVKM Gjirokastër, i dyshuar për kryerjen e veprës penale “Shkelja e rregullave të qarkullimit rrugor”.

Arrestimi i tij u krye pasi ditën e djeshme gjatë drejtimit të mjetit ka aksidentuar shtetasen K. H., e cila si pasojë ka ndërruar jetë. Janë kryer veprimet e para hetimore si këqyrja e vendit të ngjarjes, sekuestrimi i automjetit, gjithashtu edhe marrja e një mostre gjaku për kryerjen e Ekspertimit Toksikologjik. Nga verifikimi me testin matës të alkoolit ka rezultuar negativ.  

Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Gjirokastër.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].", thuhet në njoftimin e AMP-së./CNA





Lajmet e fundit nga