web counter
LEXO PA REKLAMA!

SHKARKO APP

App Store
Google Play

Raporti i KLSH: Pacientët 6 muaj pa kimioterapi

4 Tetor 2025, 13:52, Aktualitet CNA

Raporti i KLSH: Pacientët 6 muaj pa kimioterapi

Kontrolli i Lartë i Shtetit ka publikuar raportin për barnat Onkolologjike në QSUT ku ka zbuluar të dhëna tronditëse.

Sipas të dhënave për një periudhë 6-mujore shumë pacientë kanë mbetur pa kimioterapi për shkak të mungesës së barnave si dhe dështimit të sistemit të furnizimit.

“Mungesat kanë qenë të përsëritura, dhe në disa kontrata furnizimi, periudha pa ilaçe ka zgjatur deri në 6 muaj”, shkruhet ne raportin e KLSH.

Gjatë verifikimeve në Farmacinë Qendrore në QSUT, janë gjetur gjithashtu periudha të gjata ku stoku i barnave ka qenë zero, si në magazinën qendrore të spitalit, ashtu edhe në farmacinë që furnizon direkt pavijonet e onkologjisë.

“U evidentuan raste kur gjendja ka qenë 0 për periudha më të gjata se 1 javë, duke riskuar trajtimin e pacientëve,”, nënvizohet ne raport. 

Sipas KLSH, pjesa më e madhe e protokolleve mjekësore që përdoren sot në Onkologjik janë të vjetra më shumë se një dekadë.

 “Një pjesë e konsiderueshme e protokolleve të praktikës klinike në Qendrën Spitalore Universitare ‘Nënë Tereza’ datojnë prej vitit 2014, me mungesë përditësimesh sistematike gjatë kësaj periudhe,” thuhet në raportin e KLSH.

Kontrolli i Lartë i Shtetit ka kërkuar me urgjencë nga Ministria e Shëndetësisë që të krijojë një grup pune për përditësimin e protokolleve mjekësore dhe për garantimin e furnizimit të qëndrueshëm me barna, pasi është vënë në rrezik jeta e qytetarëve./ CNA





Lajmet e fundit nga