web counter
LEXO PA REKLAMA!

SHKARKO APP

App Store
Google Play

Në qeli me foshnjën 11 muajshe/ Drejtoria e Burgjeve, njoftim për rastin e gruas së dënuar

22 Korrik 2026, 20:09, Aktualitet CNA

Në qeli me foshnjën 11 muajshe/ Drejtoria e Burgjeve, njoftim për

Drejtoria e Përgjithshme e Burgjeve ka ndarë një njoftim lidhur me rastin e një shtetaseje 34-vjeçare, që është akomoduar në burgun e Pojskës së bashku me foshnjën e saj 11-muajshe.

Bazuar në njoftim, shtetasja D.S., e dënuar me dy muaj burg, po qëndron së bashku me fëmijën e saj në një ambient të përshtatur për qëndrimin e nënave me fëmijët e tyre, bazuar në legjislacionin në fuqi.

Njoftimi:

Në zbatim të legjislacionit në fuqi, që garanton mbrojtjen e të drejtave të nënave të privuara nga liria dhe interesin më të mirë të fëmijës, në IEVP Pojskë është akomoduar e dënuara me inicialet D. S., e dënuar me 2 (dy) muaj burgim, së bashku me foshnjën e saj 11-muajshe.

Gjatë procedurave të pranimit në institucion, shtetasja me inicialet D. S. ushtroi të drejtën e parashikuar nga Ligji nr. 81/2020 "Për të Drejtat dhe Trajtimin e të Dënuarve me Burgim dhe të Paraburgosurve" dhe Rregullorja e Përgjithshme e Burgjeve, për të mbajtur pranë saj fëmijën nën moshën 3 vjeç.

Pas përfundimit të procedurave ligjore dhe administrimit të dokumentacionit përkatës, foshnja u akomodua në ambientet e posaçme të institucionit, jashtë regjimit të brendshëm, ambiente të përshtatura për qëndrimin e nënave me fëmijët e tyre.

Për nënën dhe fëmijën është hartuar një plan i individualizuar përkujdesjeje, i cili përfshin masat e sigurisë, kujdesin shëndetësor, ushqimin sipas nevojave, si dhe mbështetjen psikologjike dhe sociale.

Zbatimi i këtij plani monitorohet nga stafi multidisiplinar i institucionit, me synimin për të garantuar mirëqenien e nënës dhe të fëmijës, si dhe respektimin e të drejtave të tyre, në përputhje me legjislacionin dhe standardet në fuqi./CNA

 





Lajmet e fundit nga