web counter
LEXO PA REKLAMA!

SHKARKO APP

App Store
Google Play

Humbja e Kryepiskopit/ Atë Nikolla Kodheli: Do të prehet pranë Katedrales Orthodhokse në Tiranë

25 Janar 2025, 21:57, Aktualitet CNA
Humbja e Kryepiskopit/ Atë Nikolla Kodheli: Do të prehet pranë
Atë Nikolla Kodheli

Atë Nikolla Kodheli ka deklaruar se Kryepeshkopi Anastas Janullatos do të prehet pranë Katedrales Orthodhokse në Tiranë sepse ka qenë ndërtuesi.

Atë Nikolla risolli në vëmendje kontributin e madh të Kryepeshkopit Anastas Janullatos dhe gjithashtu tha se ai do të prehet në Katedralen Orthodhokse për të cilën luftoi dhe u përpoq me lutje dhe financime për ta ndërtuar.

I ftuar në një emision televiziv, Kodheli u shpreh se Kryepeshkopi do të prehet në Shqipëri, pasi jo vetëm që është amaneti i tij por edhe traditë e kishës.

"Kryepiskopi Anastas Janullatos do të prehet pranë Katedrales Orthodhokse sepse ka qenë ndërtuesi. Ndërtuesit prehen në veprën që kanë ndërtuar dhe kryepiskopi nuk është ndërtuesi i katedrales që dominon në Tiranë, por ndërtuesi i 60 kishave në të gjithë Shqipërinë nga Vraka deri në Sarandë.

Kryepiskopi ka ndërtuar shkolla, mensa, azile. Nuk është vetëm amanet i tij që të prehet në Shqipëri, por është pjesë e traditës së kishës. Çdo Mitropolit, çdo Kryepeshkop, kur zgjidhet martohet me dioqezën e tij dhe nderi është që të prehet brenda dioqezës.

Dioqeza e Kryepiskopit Anastas që nga viti 1992 që u zgjodh nga Patriarku Ekumenik Bartholome si Kryepeshkop i Tiranës dhe gjithë Shqipërisë është Tirana dhe Durrësi. Kryepiskopi do të prehet në Katedralen Orthodhokse për të cilën luftoi dhe u përpoq me lutje dhe financime për ta ndërtuar.

Varri i kryepiskopit do të jetë një vend pelegrinazhi jo vetëm për ortodoksët, por për të gjithë admiruesit."/CNA

 





Lajmet e fundit nga