web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq/ Përplasen 2 tragete në Portin e Durrësit

23 Dhjetor 2024, 15:01, Aktualitet CNA

Moti i keq/ Përplasen 2 tragete në Portin e Durrësit

Dy tragete janë përplasur në Portin e Durrësit. Sipas asaj që raportohet në media, mjetet e lundrimit janë përplasur gjatë ankorimit në port si pasojë e motit të keq.

Në momentin që tragetet po hynin në port ka pasur dhe një numër të lartë udhëtarësh dhe kjo ka ngjallur panik, por fatmirësisht pa pasoja në njerëz.

Ndërkohë, edhe një anije peshkimi është fundosur në basenin e portit të peshkimit. Fatmirësisht, nga ngjarja nuk ka të lënduar.

Referuar parashikimeve të Kapitenerisë së Portit të Durrësit mbi situatën hidrometeorologjike në Rajonin e Adriatikut, si pasojë e kushteve të përkeqësuara të motit, ka pasur vonesa në mbërritje dhe proceset e bregëzimit të trageteve.

Kompanitë e lundrimeve bëjnë të ditur se si pasojë e kushteve të paqëndrueshme të motit trageti “AF Marina” i parashikuar për lundrim mesditën e sotme nga Porti i Durrësit drejt Barit, (Itali) ka pezulluar nisjen deri në normalizimin e situatës.

Trageti “AF Franceska” do të kryejë lundrim pa pasagjerë si pasojë e kushteve të përkeqësuara meteorologjike.

Në terminalin e kontejnerëve proceset operacionale vijojnë normalisht dhe pa ndërpreje.

Ndërkohë që është pezulluar përkohësisht puna në terminalin e mallrave gjenerale dhe atë rifuzo si pasojë e erës së fortë dhe reshjeve intensive./ CNA





Lajmet e fundit nga