web counter
LEXO PA REKLAMA!

SHKARKO APP

App Store
Google Play

Mohamed Alabbar rrëzon kundërshtarët mediatikë dhe politikë

5 Janar 2024, 15:04, Aktualitet CNA
Mohamed Alabbar rrëzon kundërshtarët mediatikë dhe
Investitori Mohamed Alabbar

Kreu i kompanisë Emaar, Mohamed Alabbar, ka folur lidhur me ecurinë e punimeve në ndërtimin e Portit të Durrësit ku pritet të investohen plot 2 miliardë euro.

Ndërtimi i marinës turistike të Durrësit filloi në shtator. Puna ka ecur me ritme spektakolare dhe këtë e tregoi edhe vetë Alabbar në një intervistë për “Opinion”. Pikërisht firma që ndërtoi Dubain në krye të së cilës është Mohamed Alabbar tashmë po jetëson projektin në Portin e Durrësit.

Ai tha se brenda dy viteve mund të mbarojë puna me plazhin. E në një kohë që projekti po ecën në rrugën e duhur, zërat gënjeshtarë të propagandës dhe gjobaxhinjtë mediatikë tashmë "lotojnë" nga halli.

U tha se nuk ishte Alabbar, u tha se s’do të bëhej, por tashmë puna flet vetë. Mohamed Alabbar tregoi se do të bëhet një marinë e vogël dhe disa ndërtesa, do të pastrohen plazhi, rëra dhe toka.

E ndryshe nga se ishte folur lart e poshtë, vetë Mohamed Alabbar thotë se plazhi do të jetë publik, e sipas tij kjo është më e pakta që mund të bëjnë. Ky është pikërisht rasti kur çdo zë kundër duhet të kërkojë ndjesë publike.

Kur u nënshkrua marrëveshja?

Marrëveshja përfundimtare për zhvillimin e projektit “Durrës Yacht & Marina” nga qeveria shqiptare dhe “Eagle Hills Real Estate” u nënshkrua më 30 janar 2023.

Marrëveshja u nënshkrua nga zëvendësministri i Financave dhe Ekonomisë, Besart Kadia, investitori Muhammed El Alabbar dhe Erlis Hereni, drejtor i agjencisë për realizimin e këtij projekti.

Investitori Muhammed El Alabbar, ditën e nënshkrimit të marrëveshjes, tha se në Durrës do të zbatohen teknologjitë më të fundit që nuk janë përdorur as në Dubai dhe premtoi se nuk do të zhgënjejë nga rezultatet e punës.

“Eagle Hills” administrohet drejtpërdrejt nga zoti Mohammed El Alabbar, i cili është në krye të disa kompanive zinxhir. Ndërtimi i portit të Durrësit do të bëhet pikërisht nga njëra prej kompanive zinxhir të Alabbar-it. Bëhet fjalë për kompaninë "Symphony Real Estate Development" sh.p.k., e identifikuar me NUIS M11726006H, e cila zotërohet plotësisht nga subjekti “Symphony Invest Limited”, që në vetvete është pjesë e grupit të shoqërive të Z. Mohamed Alabbar, i cili prej vitesh është drejtues në kompaninë "EMAAR".

Gjobaxhinjtë mediatikë nxjerrin lajmin se Alabbar është tërhequr nga projekti

Në disa media qarkulloi lajmi se biznesmeni nga Emiratet e Bashkuara, Mohamed Alabbar, u tërhoq nga projekti për Durrësin.

Si qëndron e vërteta?

Nuk vonoi shumë dhe Mohamed Alabbar përgënjeshtroi gjobaxhinjtë mediatikë, duke mohuar kategorikisht lajmin për tërheqjen e tij nga projekti.

“Unë jam i befasuar nga këto lajme, zakonisht i injoroj thashethemet dhe shoh punën time. Këto lajme janë tërësisht të gabuara dhe spekulative. Po eci përpara me të gjitha detajet e projektit dhe nuk kam fare ndërmend të shes aksionet e mia në këtë projekt. Ju lutem vizitojeni personalisht zonën e projektit që ta shihni me sytë tuaj atë që po ndodh”,  deklaroi Mohamed Alabbar në atë kohë.

Projekti që do ta shndërrojë Durrësin në Dubai

Investitori Muhamed El Alabbar ka konfirmuar se në Durrës do të zbatohen teknologjitë e fundit që nuk janë përdorur as në Dubai dhe ai ka premtuar se nuk do të zhgënjejë në rezultatet e veprës.

"Disa gjëra që po bëhen këtu janë më të përparuara se në Dubai”, është shprehur vetë Alabbar.

Mohamed Alabbar vetëm një ditë më parë në intervistë me Blendi Fevziun tha se investimet në Durrës do të jenë më të mira se në Dubai./ CNA





Lajmet e fundit nga