web counter
LEXO PA REKLAMA!

SHKARKO APP

App Store
Google Play

E fundit!

x

U vra në burg nga Sokol Mjacaj/ Trupi i Arben Lleshit, ende në morgun e Tiranës

5 Janar 2024, 13:40, Aktualitet CNA
U vra në burg nga Sokol Mjacaj/ Trupi i Arben Lleshit, ende në morgun
Arben Lleshi

Trupi i pajetë i Arben Lleshit, të dënuarit me burgim të përjetshëm që u ekzekutua në qelinë e tij në burgun e sigurisë së lartë në Peqin mesditën e 15 dhjetorit 2023, nga Sokol Mjacaj, vijon të mbahet në morgun e Tiranës.

Familjarët e tij nuk janë paraqitur për tërheqjen e trupit dhe kryerjen më pas të ceremonisë mortore.

Klodiana Lala raporton se familja Lleshi nga fshati Rukaj i Burrelit deri më tani nuk ka marrë vendim për ta tërhequr trupin, për shkak se sipas disa burimeve, ka marrë sinjale se fisi me të cilin është në hasmëri mund të vijojë hakmarrjen.

Arben Lleshi ishte dënuar me burgim të përjetshëm për vrasjen dhe më pas djegien e trupit të pajetë të Agim Hoxhës në 2012 në Britaninë e Madhe.

Sokol Mjacaj ekzekutori i Arben Lleshit është i dënuar me burg përjetë për vrasjen e dy turistëve çekë gjatë një tentative grabitjeje në 2015.

Ekzekutimi i Arben Lleshit dyshohet të jetë kryer për motive gjakmarrje. Më herët, persona të paidentifikuar kanë vrarë dy xhaxhallarët e tij, ndërsa i kanë rrëmbyer e zhdukur pa gjurmë dy kushërinjtë e parë.

Familja Lleshi deri më tani ka humbur 5 pjesëtarë, por sërish ata i frikësohen hakmarrjes, edhe pse rezulton se të afërmit e kishin braktisur 37-vjeçarin dhe asnjë prej tyre s'e kishte takuar në burg vitet e fundit.

Nëse familja vendos të mos e tërheqë trupin, brenda 60 ditëve, Instituti i Mjekësisë ligjore kërkon autorizim nga prokuroria e Elbasanit dhe varrimi kryhet nga bashkia, sipas procedurave ligjore./ CNA





Lajmet e fundit nga