web counter
LEXO PA REKLAMA!

SHKARKO APP

App Store
Google Play

Meta i bashkohet thirrjes së Berishës për protestën/ “Rama duhet të largohet përfundimisht”

13 Shkurt 2023, 13:56, Aktualitet CNA
Meta i bashkohet thirrjes së Berishës për protestën/
Ilir Meta, kryetar i Partisë së Lirisë

Kryetari i Partisë së Lirisë, Ilir Meta, i është bashkuar thirrjes së kreut të PD-së, Sali Berisha, duke ftuar të gjithë qytetarët që të bëhen sot pjesë e protestës në orën 17:00 para Kuvendit.

Meta deklaron se revolta popullore ka shpërthyer dhe është më e vendosur se kurrë për të larguar përfundimisht kryeministrin Edi Rama.

Ndërkohë nënvizon se Rama kërkon të asgjësojë Kuvendin, pluralizmin, opozitën dhe llogaridhënien.

“Mirënjohjen më të thellë për dhjetëra mijëra qytetarë që duke sfiduar një ditë të acartë morën pjesë në protestën madhështore të 11 shkurtit, mesazhi i fuqishëm i së cilës për shpresën e fitores së shqiptarëve kundër regjimit më të korruptuar në kontinent jehoi ndërkombëtarisht.

“Zhgënjimi” i zëdhënësave mediatikë proregjim për masivitetin dhe qytetarinë e kësaj proteste dëshmon në fakt një përpjekje të dëshpëruar për t'i qarë hallin Kryeministrit në largim dhe Qeverisë. Revolta popullore, ka shpërthyer,  më e vendosur se kurrë dhe ajo nuk do të ndalet deri në largimin përfundimtar të Edi Ramës.

Edi Rama kërkon të asgjësojë Kuvendin, sepse kërkon të asgjësojë pluralizmin dhe llogaridhënien, të agjësojë opozitën që  përfaqëson vullnetin e 750 mijë qytetarëve që i kanë ngarkuar detyrën e shenjtë të kontrollojë në çdo hap veprimet mafioze të kësaj Qeverie të korruptuar dhe të inkriminuar në çdo qelizë.

Bllokimi mafioz i të gjithë projektligjeve të opozitës, i komisioneve hetimore, i interpelancave, i heqjes të së drejtës së fjalës, i largimit nga Këshilli i Integrimit Europian, i përjashtimit të deputetëve, i bllokimit të informacionit që deputetët i kërkojnë Qeverisë janë krime të vërteta ndaj Kuvendit të kryera nga Edi Rama dhe “Rilindja”.

Kuvendi po kthehet në një zyrë noteriale për korrupsionin e Kryeministrit në largim, ku mungon llogaridhënia, roli mbikqyrës dhe kontrollues dhe vetëm miratohen ligjore me porosi kundër interesit publik dhe kombëtar.

Ndaj të gjithë sot, në ora 17:00, në protestë para Kuvendit, në mbrojtje me çdo çmim të Republikës Parlamentare, themelit të demokracisë dhe pluralizmit politik në Shqipëri!

Bashkohu, eja edhe ti! Ndryshim me çdo çmim”, shkruan Meta./ CNA.al 





Lajmet e fundit nga