web counter
LEXO PA REKLAMA!

SHKARKO APP

App Store
Google Play

“Më habiti puthja nga larg”/ Beqaj tallet me Endrit Shabanin dhe zgjedhjen e tij si Avokat i Popullit

23 Dhjetor 2025, 14:32, Aktualitet CNA

“Më habiti puthja nga larg”/ Beqaj tallet me Endrit Shabanin

Shtyhet seanca gjyqësore për ish-ministrin e Shëndetësisë Ilir Beqajn. Shkak është bërë kërkesa e ish-ministrit me qëllim dëgjimin e regjistrimeve audio të seancave dhe krijimin e kushteve për t’i dëgjuar ato në ambientet e paraburgimit.

Në deklaratën e tij Beqaj thekson se kërkon privilegje, por respektimin e së drejtës për një mbrojtje efektive. Ai kërkoi lejimin e përdorimit të një kompjuteri dhe printeri, pa pajisje komunikimi, për përgatitjen e mbrojtjes ligjore.

“Nëse ligji nuk e ndalon, askush nuk ka të drejtë ta ndalojë me ‘zakon’, me ‘urdhër gojor’ apo me frikëra administrative”, u shpreh Beqaj.

Ish-ministri kritikoi gjithashtu rolin e kallëzuesit të çështjes, Endri Shabani, i cili sipas tij, paradoksalisht mban sot postin e Avokatit të Popullit. Beqaj theksoi se kallëzimi penal është bërë më 23 dhjetor 2019 dhe se Shabani sot figuron si dëshmitar i akuzës, pavarësisht se çështja, sipas tij, ishte hetuar dhe pushuar më parë pa prova të reja.

“Ai që duhet të jetë zëri i qytetarit përballë pushtetit, del në rreshtin e akuzës”, deklaroi Beqaj, duke e cilësuar situatën si një paradoks institucional dhe duke shtuar se kjo nuk përfaqëson interes publik, por interes personal.

Në deklaratën e tij, Beqaj ironizoi edhe mënyrën e zgjedhjes së Avokatit të Popullit në Kuvend, duke përmendur reagimin e deputetëve gjatë votimit.

“Ajo që më habiti nuk ishte vota. Ishte puthja. Puthja me dorë nga larg. Duartrokitje të sinkronizuara, sikur të ishte miratuar ndonjë ligj i rëndësishëm.”

Seanca e radhës do të mbahet në datën 15 Janar 2026./ CNA





Lajmet e fundit nga