web counter
LEXO PA REKLAMA!

SHKARKO APP

E fundit!

x

Pamje e rrallë/ Arusha me të vegjlit e saj zbret në Kolesjan të Kukësit

23 Dhjetor 2025, 12:03, Aktualitet CNA
Pamje e rrallë/ Arusha me të vegjlit e saj zbret në Kolesjan
Pamje nga Kolesjani

Një pamje e këtyre ditëve të ftohta të dhjetorit në Kolesjan të Kukësit duke me të vërtetë përrallore.

Kjo pasi një arushë me katër të vegjëlit e saj ka zbritur në këtë fshat, ku temperaturat janë disa gradë nën zero.

Një banor i fshatit Kolesjan, i cili ka arritur të shkrepë fotografinë e rrallë, tregon momentin që është përballur me arushën dhe të vegjlit e saj.

“Isha në makinë po shkoja në shtëpi. Papritur në një prej kthesave të fshatit Kolesjan u përballa më arinjtë. U shtanga dhe u tremba dhe kam qëndruar në makinë për rreth 2 orë derisa kanë lëvizur nga rruga dhe janë futur në pyll. Rruga ku janë shfaqur është rruga kryesore. Kam arritur të bëj vetëm një foto, pasi isha i trembur dhe nuk kam lëvizur nga makina. Nuk kam arritur të bëj video nga frika”,-tregon banori.

Në shumë zona të vendit, në periudhën e dimrit, disa lloje kafshësh të egra lëvizin shumë pranë zonave të banuara./CNA





Lajmet e fundit nga