web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria nuk quhet më shtet”/ Shkullaku: Çdo qytetar ka të drejtë të kërkojë përmbysje të regjimit

22 Dhjetor 2025, 22:33, Aktualitet CNA

“Shqipëria nuk quhet më shtet”/ Shkullaku: Çdo

Gazetari Armand Shkullaku është shprehur mbrëmjen e sotme se opozita dhe çdo shqiptar ka të drejtë të protestojë kundër kësaj qeverie.

I ftuar në “Çim Peka Live” në Syri Tv, Shkullaku tha se në 12 vite, qeveria ka vjedhur buxhetin e shtetit dhe taksat e qytetarëve.

“Shqipëria nuk mund të quhet më shtet. Pra unë e kam ditur prej kohësh, por tashti ka dalë në dritë të diellit që nuk mund t'i thush më shtet. Në krye është një, thashë, Capo dei Capi, që ka avion privat, pi verëra të shtrenjta, udhëton ku t'i dojë qejfi, bën çfarë të dojë me pronën publike, zgjohet mirë në mëngjes, vendos të bëjë disa milionerë dhe të varfërojë disa të tjerë, zgjohet keq, bën të kundërtën.

Pra i gjithë buxheti i shtetit, i gjithë taksa e qytetarëve shqiptarë, ne kemi parë që janë në dorën e një njeriu të vetëm, i cili i ka përdorur si mos më keq në këto, këto 12 vjet. Kështu që, mendoj do dalin të tjera, s'do dalin të tjera, kjo po them unë s'ka pak, ka pak rëndësi. Me kaq sa kanë dalë mendoj që, thashë, opozita, çdo qytetar shqiptar ka të drejtë të kërkojë përmbysje me dhunë dhe me forcë të një regjimi që është një regjim bandit.

Por në rastin kur shikojmë që këtu është vjedhur i gjithë shteti, deri në qindarkën e fundit dhe këto janë përdorur për të goditur kundërshtarët politikë, për të masakruar media kundërshtare, për të zhdukur çdo liri dhe çdo hapësirë të lirisë, mendoj që nuk flitet më për rregullim, korrektim, ku e di unë, këtu flitet për përmbysje se është e pamundur ndryshe. Mendoj që kemi skizofreni si shoqëri”, tha Shkullaku. /CNA





Lajmet e fundit nga