web counter
LEXO PA REKLAMA!

SHKARKO APP

App Store
Google Play

Protesta e opozitës/ Boçi: Do të përfundojnë me largimin e Ramës dhe ngritjen e qeverisë teknike

22 Dhjetor 2025, 15:50, Aktualitet CNA

Protesta e opozitës/ Boçi: Do të përfundojnë me

Deputeti i Partisë Demokratike, Luçiano Boçi ka folur lidhur me protestën kombëtare të opozitës që do të mbahet pasditen e sotme në orën 18:00.

Në një lidhje për Syri Tv, Boçi tha se fundi i këtyre protestave do të jetë vetëm më largimin e kryeministrit Edi Rama dhe krijimin e një qeverie teknike.

Ai shtoi se edhe numri i qytetarëve që protestojnë të jetë i lartë, pasi sipas tij po qeveria po abuzon çdo ditë me ta.

“Ne jemi në hapjet e një procesi protestash që patjetër do kenë një fund, fundi është ikja e Ramës, ngritja e një qeverie teknike. Nuk pretendojmë që gjithçka ta arrijmë brenda një dite, do ketë progresionin e saj, qëndrueshmërinë e saj, rezistencën, konsistencën sepse këtu është vlera, të themi, e përgjithshme, totale e një proteste dhe format e saj do jenë në vazhdimësi të ndryshme, duke u ndërlidhur dhe me mënyrat si do protestojë dhe si do performojë më pas edhe grupi parlamentar brenda sallës së parlamentit në ditët në vazhdim, kur t'i mundësohet patjetër dhe seanca, por duke qenë gjithmonë brenda një procesi i cili sot hapet si i tillë, i cili ka forcën, dëshmohet me një forcë shumë të madhe dhe që patjetër ndërton një pritshmëri që të gjithë e duam, që lidhet me largimin e Ramës dhe me ngritjen e një qeverie teknike.

Unë mendoj që njerëzit duan të vijnë dhe patjetër atë dëshirën për të ardhur e lidhin me atë pyetjen që ju më bëtë, cili është fundi. Pra, ata vijnë që të kenë një konkludim, të kenë një rezultat, pasi përgjatë shumë kohëve ka ndodhur protestë, është hequr në fakt ai shpirti i protestës nga mënyra se si kanë vepruar disa paraardhës brenda Partisë Demokratike dhe duan që në fund të fundit ky zemërim i tyre të konkludohet, siç dhe e parashtrova.

Dhe mendoj që duke i dhënë besimin që këto protesta do kenë një fund, që fundin unë e paracaktova, e përkufizova, atëherë dhe ata do jenë të shumtë. Kur thashë, dëshira nuk mungon, janë të revoltuar, të zemëruar, kanë faktuar tashmë jo vetëm nga fjalët e opozitës, por dhe nga veprimet e drejtësisë që janë të vjedhur në mënyrë sistematike, janë të tallur në mënyrë sistematike, janë të përçmuar në mënyrë sistematike dhe patjetër që të gjitha këto dalin në një, të themi, rezultat revoltues dhe protestues”, tha Boçi. /CNA





Lajmet e fundit nga