web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Alfred Ballës/ Mblidhet sot KLP-ja

27 Maj 2024, 08:32, Aktualitet CNA
Mandati i Alfred Ballës/ Mblidhet sot KLP-ja
Alfred Balla, kreu i KLP-së

Këshilli i Lartë i Prokurorisë do të mblidhet këtë të hënë për të vendosur për mandatin e Alfred Ballës, kreut të këtij institucioni, i cili u shkarkua nga “vetting”-u.

Mbledhja do të zhvillohet në orën 11:00. Prezentë do të jenë përfaqësues nga Ministria e Drejtësisë, Programet EU4JUSTICE dhe OPDAT, si dhe Prokurori i Përgjithshëm, Olsian Çela.

Kujtojmë se Balla iu desh t'i nënshtrohej procesit të rivlerësimit pasi deri më 31 korrik 2017 ka punuar si ndihmës ligjor në Gjykatën e Lartë.

Fillimisht ai e kundërshtoi vettingun me “e-mail”, duke pretenduar “se një proces i tillë nuk është i nevojshëm për të, pasi nuk ka statusin e magjistratit si ndihmës ligjor në Gjykatën e Lartë”. Madje Balla ka bërë edhe padi në Gjykatën Administrative duke thënë se është shkarkuar nga ky post.

Vëzhguesit e Operacionit Ndërkombëtar të Monitorimit kundërshtuan me forcë kërkesën e Ballës për të ndaluar "vetting"-un e tij, por KPK e ndërpreu “vetting”-un dhe nuk vendosi as sanksionin që i ndalon emërimin në disa pozicione në sistemin e drejtësisë për 15 vjet.

Pas ankimimit të Komisionerit Publik, KPA rrëzoi vendimin e KPK-së dhe vendosi këtë sanksion për Alfred Ballën. Nga ana tjetër, vetë kreu i KLP-së nuk pranoi vendimin e trupës gjykuese dhe tha se nuk është shkarkuar./ CNA





Lajmet e fundit nga