web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta për Srebrenicën/ Këshilli i Ambasadorëve Shqiptarë: Hap i rëndësishëm për paqe

26 Maj 2024, 22:40, Aktualitet CNA

Rezoluta për Srebrenicën/ Këshilli i Ambasadorëve

Këshilli i Ambasadorëve Shqiptarë, ka shprehur mbështetje të qartë për rezolutën e fundit të Kombeve të Bashkuara, që dënon çdo mohim të gjenocidit të Srebrenicës.

Këshilli i Ambasadorëve Shqiptarë thotë se ky gjenocid duhet të shërbejë si një kujtesë e mprehtë e përgjegjësisë kolektive për të parandaluar tragjedi të tilla në të ardhmen.

Sipas Këshillit, miratimi i kësaj rezolute është një hap të rëndësishëm drejt avancimit të stabilitetit, sigurisë dhe paqes në rajonin tonë.

“Ne qëndrojmë në solidaritet me të mbijetuarit dhe familjet e viktimave. Kujtimi i Srebrenicës duhet të shërbejë si një kujtesë e mprehtë e përgjegjësisë sonë kolektive për të parandaluar tragjedi të tilla në të ardhmen.

Duke miratuar këtë Rezolutë dhe duke caktuar 11 korrik si “Ditën Ndërkombëtare të Reflektimit dhe Përkujtimit të Gjenocidit të 1995 në Srebrenicë”, Komuniteti Ndërkombëtar ripohoi angazhimin e tij për të promovuar paqen, pajtimin dhe mbrojtjen e të drejtave të njeriut.

Këshilli i Ambasadorëve Shqiptarë e konsideron miratimin e kësaj Rezolute si një hap të rëndësishëm drejt avancimit të stabilitetit, sigurisë dhe paqes në rajonin tonë.

Për më tepër, inkurajojmë të gjitha palët, brenda dhe jashtë Shqipërisë, të angazhohen në përgatitjen dhe miratimin e një rezolute që pranon dhe dënon gjenocidin serb në Kosovë”, theksohet në deklaratë./ CNA





Lajmet e fundit nga