E fundit!

10:08 Aktualitet

“Bashkitë në fazë të re zhvillimi”/ Demo: Duhen projekte cilësore për të përthithur fondet e BE-së

Ministri i Shtetit për Pushtetin Vendor, Ervin Demo, dekla...

“LINDI KRISHTI, GËZOHU O BOTË!”/ Koncerti festiv sonte në CNA TV

17 Janar 2026, 11:40, Aktualitet CNA

“LINDI KRISHTI, GËZOHU O BOTË!”/ Koncerti festiv sonte

CNA TV sonte në orën 19:00 transmeton koncertin festiv “Lindi Krishti, gëzohu o Botë!”. Një event i veçantë muzikor kushtuar festës së Krishtlindjes, i sjellë nga qyteti i Korçës.

Ky koncert ofron për shikuesit interpretime të zgjedhura muzikore që kremtojnë lindjen e Krishtit dhe atmosferën e sezonit festiv. Repertori përfshin këngë për publikun që dëshiron të përjetojë emocionet e Krishtlindjes përmes muzikës dhe artit.

Koncerti u organizua në Teatrin “Andon Zako Çajupi” në Korçë, nga Qendra e Artit dhe Kulturës, me producent At Spiro Katundin dhe regji nga Blerta Belliu, ndërsa morën pjesë kompleksi i fëmijëve, të rinjve dhe burrave.

“LINDI KRISHTI, GËZOHU O BOTË!”/ Koncerti festiv sonte

At Spiro Katundi është një nga figurat më të dalluara kulturore dhe shpirtërore në komunitetin e Korçës dhe më gjerë, i njohur për përkushtimin e tij ndaj artit dhe muzikës. Ai ka mbi 58 vite angazhim në fushën e artit si këngëtar, aktor, poet dhe kompozitor, duke lënë një gjurmë në kulturën muzikore shqiptare.

“LINDI KRISHTI, GËZOHU O BOTË!”/ Koncerti festiv sonte

Eksperienca e gjatë artistike e At Spiro Katundit lidhet ngushtë me këtë projekt festiv, përmes njohjes së thellë të repertorit muzikor, interpretimit profesional dhe vizionit artistik, ai ka mundësuar që koncerti të transmetojë emocionin e Krishtlindjes, qoftë në sallën e teatrit, qoftë për ata që do ta ndjekin këtë koncert nga ekrani i CNA TV.

Pjesëmarrja e tij si producent vendos një standard të lartë artistik, duke e bërë këtë event një përvojë unike festive.

Transmetimi në CNA TV është një mundësi e shkëlqyer për të përjetuar mbrëmjen festive nga shtëpia ata, të cilët nuk mundën të jenë fizikisht në koncert. Mos e humbisni koncertin “Lindi Krishti, gëzohu o Botë!”, sonte në orën 19:00 në CNA TV./ CNA