web counter
LEXO PA REKLAMA!

SHKARKO APP

App Store
Google Play

E fundit!

x

Lajm i hidhur/ Ndahet nga jeta ish-Komandanti i Gardës së Republikës

7 Mars 2023, 20:07, Aktualitet CNA
Lajm i hidhur/ Ndahet nga jeta ish-Komandanti i Gardës së
Foto ilustruese

Një lajm i hidhur është mësuar mbrëmjen e kësaj të marte. Mësohet se është ndarë nga jeta ish-Komandanti i Gardës së Republikës, Gjeneral Halit Gjeçi.

Raportohet se Gjeçi ka humbur betejën me një sëmundje të rëndë, duke u shuar kështu në mënyrë të parakohshme.

Halit Myftar Gjeçi lindi më 25 tetor të vitit 1943, në Bajram-Curri të Tropojës dhe prej vitesh banonte në Tiranë.

Në vitet 1958-1962 ka kryer Shkollën e Mesme Ushtarake “Skënderbej” dhe më pas ka kryer Shkollën e Lartë të Bashkuar të Oficerëve “Enver Hoxha” në 1962-1964. Në vitet 1973-1975, Gjenerali ka kryer Akademinë e Shtabit të Përgjithshëm “Mehmet Shehu” në Tiranë.

Lajm i hidhur/ Ndahet nga jeta ish-Komandanti i Gardës së

Gjeçi ka një eksperiencë të gjatë pune, pasi ka mbajtur postet komandant baterie drejtimi në Bazën Ushtarake Detare në Lezhë, shef i zbulimit në Regjimentin e Artilerisë Tokësore në Tiranë, zëvendës dekan ushtarak në Universitetin Shtetëror Bujqësor në Kamzë,komandant grupi artilerie në Tiranë, komandant grupi artilerie në Lushnje-Shijak, shef i artilerisë së Brigadës së Këmbësorisë Kavajë, zëvendësshefi artilerisë së Korpusit të Tiranës, shef i artilerisë tokësore të Divizionit të Laçit, shef i artilerisë së Rezervës së Komandës së Përgjithshme në Elbasan, pedagog në Akademinë e Shtabit të Përgjithshëm Tiranë, komandant i Gardës së Republikës nëTiranë, në dispozicion të Ministrisë së Rendit Publik.

Në vitin 1998 ai u nxor në lirim, ndërsa në vitet 2006-2009 punoi si kancelar në Akademinë e Policisë në Tiranë.

Ish-kreu i Gardës së Republikës ka disa kualifikime. Në vitin 1995, ai ka bërë një kurs të shkurtër për planëzimin në Stamboll.

Më pas, në vitin 1995 ka bërë një kurs kualifikimi në Kolegjin e Mbrojtjes në Tiranë dhe në vitin 1996, ka kryer një kurs kualifikimi të NATO-s në Bruksel.

Më 23 janar të vitit 1994, Gjeçi është vlerësuar me gradën e gjeneralit me dekret të Presidentit të Republikës./ CNA.al





Lajmet e fundit nga