web counter
LEXO PA REKLAMA!

SHKARKO APP

App Store
Google Play

E fundit!

x

7 Marsi, Dita e Mësuesit/ Sot, 136 vite më parë u hap Mësonjëtorja e Parë Shqipe në Korçë

7 Mars 2023, 07:39, Aktualitet CNA
7 Marsi, Dita e Mësuesit/ Sot, 136 vite më parë u hap
Foto ilustruese

7 Marsi është kthyer në një festë për mësuesit dhe arsimtarët dhe festohet në të gjitha shkollat e vendit në shenjë falënderimi dhe mirënjohjeje për misionin e tyre të shenjtë, shpërndarjen e dijes dhe edukimin e brezave.

Si sot 136 vite më parë, në vitin 1887, në Korçë u hap Mësonjëtorja e parë Shqipe. Mësues dhe drejtor i parë i saj ishte Pandeli Sotiri.

Veç tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë. Kështu që nga ajo ditë 7 Marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

Edhe pse në kushte të vështira, kur mësimi i gjuhës shqipe për shkak të kushteve të ndodhura nën sundimin osman ishte rreptësisht i ndaluar, Mësonjëtorja e Korçës qëndroi e hapur për gati 20 vjet.

Drejtues të saj ishin figura të njohura të Rilindjes shqiptare si: Pandeli Sotiri, Petro Nini Luarasi, Nuçi Naçi, Thoma Avrami, etj.

Kontributi i madh që këta atdhetarë dhe veprimtarë të shquar dhanë për kombin, dëshmohet nga dëshira e zjarrtë që ata kishin për të përhapur dijen në popull.

Me ato mundësi që kishin ata u bënë iniciatorët e krijimit të teksteve të para shkollore të dokumentuara.

Ata i përkushtuan një rëndësi te madhe pajisjes me mjetet e duhura të mësimdhënies, për të bërë më tej dhe shpërndarjen te nxënësit e tyre.

Të edukuar me frymën e lartë të patriotizmit këta nxënës do të bëheshin në të ardhmen pasuesit e denjë të ideologjisë së mësuesve të tyre dhe luftëtarë të devotshëm në luftën për liri dhe pavarësi./ CNA.al





Lajmet e fundit nga