web counter
LEXO PA REKLAMA!

SHKARKO APP

App Store
Google Play

E fundit!

x

Aksidentet në vend/ Eksperti: Duhet të punojnë të gjitha hallkat për të ndëshkuar shkelësit

5 Mars 2023, 15:09, Aktualitet CNA
Aksidentet në vend/ Eksperti: Duhet të punojnë të gjitha
Fisnik Ziçishti

Fisnik Ziçishti, eskperti dhe shefi i sektorit të trajnimeve të mjeteve motorike, ka folur për aksidentet rrugore në vend.

Gjatë një interviste, Ziçishiti ka përmendur disa prej aksidenteve më të rënda, përfshirë dhe atë të linjës së Unazës, duke thënë se janë marrë masat për shkelësit, por duhet të ketë një bashkëpunim dhe me instancat e tjera për të bërë të mundur ndëshkimin e shkelësve të ligjit.

“Aksidenti që ndodhi me autobusin e Unazës tek Ura e Tajvanit është i rëndë. Nëse do bëjmë një përmbledhje të aksidenteve të mëparshme në vend. Ndalemi tek aksidenti i Llogarasë me studentë. Më pas, ai i Pukës me studentët kosovarë që vinin për të vizituar Tiranën dhe Durrësin dhe patëm pasoja dhe nga ky aksident. Aksident fatal edhe në Qafë Vishës, me studentë të fakultetit të Elbasanit, që ishin për ekspeditë studentore, fatkeqësisht shënoi shumë viktima.

Aksidentin e vjetshëm me autobusë që nuk pati viktima dhe ky i fundit fatmirësisht pa viktima. Ndodhi aksidenti, Policia Rrugore shkoi në vendngajrje, shihet për njerëz të lënduar, njoftohet ambulanca, më pas ka shkuar grupi hetimor me ekspertë të fushës, pasi janë ata që ndjekin rastin mbi shkaqet e aksidentit. Nga ana jonë janë marrë masa duke ndëshkuar shkelësit, por duhet edhe nga instancat e tjera të punohet më fort, me fëmijët e shkollave, Ministrinë e Shëndetësisë me spote publicitare etj.

Janë të gjitha hallkat që duhet të punojnë për të pasur një siguri rrugore të shëndoshë. Kemi shërbime në çdo cep të Shqipërisë. Jo vetëm Policia Rrugore, por edhe ajo e Rendit janë 7 ditë të javës në punë për qytetarin. Kemi kantierë kudo, kur kemi punime normalisht që ka edhe fluks, por Policia Rrugore është aty në shi dhe në diell, për t’u ardhur në ndihmë qytetarëve”, deklaroi Fisnik Ziçishti./ CNA.al





Lajmet e fundit nga