E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Kreu i ri i SPAK/ Mentor Kikia: Urime Klodian Braho! Faleminderit Altin Dumani

11 Dhjetor 2025, 18:20, Aktualitet CNA

Analisti Mentor Kikia ka reaguar pas zgjedhjes së Klodjan Brahos në krye të Prokurorisë së Posaçme. Kikia e nis reagimin e tij me urimin për Brahon dhe falenderimin për Altin Dumanin.

Ky i fundit, shprehet analisti, shtroi një rrugë që të tjerët do ta kenë më të lehtë të ecin pas tij. Më tej shton se Dumani ishte, për 3 vitet e fundit, zyrtari më i lartë që është ftuar dhe vizituar në zyrën e tij nga zyrtarë të vendeve partnere. Kikia shprehet se edhe Braho gëzon të njëjtën mbështetje nga partnerët ndërkombëtarë.

Postimi i plotë:

Urime Klodian Braho! Faleminderit Altin Dumani!

Zgjedhja e kret të një institucioni drejtësie nuk ka qenë kurrë më parë kaq shumë e rëndësishme sa ajo për kreun e SPAK-un.

Shkurt: Altin Dumani shtroi një rrugë që të tjerët do ta kenë më të lehtë të ecin pas tij. Ai vrau frikën dhe ngurrimin për të trokitur në dyer të frikshme të krimit dhe pushtetit politik dhe ekonomik.

Ndaj ai për 3 vitet e fundit ka qenë zyrtari më i lartë që është ftuar dhe vizituar në zyrën e tij nga zyrtarë të vendeve partnere. Gjatë mandatit të tij, SPAK u identifikua me Dumanin. Ai ishte heroi dhe mëkatari, lideri dhe i sulmuari i madh.

Klodjan Braho ka të njëjtën mbështetje nga partnerët, të cilët ishin në sallë gjithë kohën, si një “juri” korrekte.

Më pëlqeu kjo deklaratë e Brahos: “Në cilësinë e drejtuesit do t’u jepja më shumë kompetencë drejtuesve të seksioneve… SPAK duhet të maturohet dhe të krijojë standard. Të mos ketë më rëndësi kush shkon prokuror dhe drejtues, por të ketë standard”.

Pikërisht kjo është ajo që duhet bërë. Ne jemi të etur për idhuj dhe jemi arkitektë të shkëlqyer të kultit të individit. Por kjo e dëmton funksionimin e grupit dhe institucionit. Sepse çdo prokuror është dhe duhet të jetë “Dumani” i dosjes së tij.

Nëse në atë zyrë do të lindin heronj, atëherë të lindin duke dëshmuar me atë që bëjnë dhe të mos i bëjmë ne me etjen tonë për heronj.(Kur flas për heronj, nuk e kam fjalën për dëshmorë).

Ndaj urime Z.Braho dhe faleminderit Z.Dumani! /CNA