web counter
LEXO PA REKLAMA!

SHKARKO APP

App Store
Google Play

Dosjet "e nxehta"/ Kush është Klodjan Braho, drejtuesi i ri i SPAK-ut?

11 Dhjetor 2025, 15:47, Aktualitet CNA

Dosjet "e nxehta"/ Kush është Klodjan Braho, drejtuesi i ri

Ditën e sotme Këshilli i Lartë i Prokurorisë ka zgjedhur me 7 vota prokurorin Klodjan Braho si kreun e ri të SPAK-ut, me një mandat 3-vjeçar.

Klodjan Braho është drejtues i Seksionit të Korrupsionit në SPAK.

Por kush është Klodjan Braho, prokurori i dosjeve të nxehta?

Klodjan Braho lindi në Skrapar më 21 korrik 1982. Në vitet 2000-2004 kreu studimet në Fakultetin e Drejtësisë dhe në 2005-2008 studioi në Shkollën e Magjistraturës. Mori emërimin më 14 nëntor 2007.

 

Më parë ka mbajtur këto detyra:

14.11.2007-2012/ Prokuror pranë Prokurorisë së Gjykatës së Rrethit Gjyqësor Berat.

2012-2015/ Prokuror pranë Prokurorisë së Gjykatës së Rrethit Gjyqësor Vlorë.

2014-2015/ Zv.drejtues i Prokurorisë pranë Gjykatës së Rrethit Gjyqësor Vlorë.

2015-19.12.2019/ Prokuror në Prokurorinë pranë Gjykatës së Shkallës së Parë për Krimet e Rënda Tiranë.

 

Dosjet e hetuara

Emri i prokurorit Klodjan Brahos rezulton në disa prej dosjeve më të nxehta të hetuara nga Prokuroria e Posaçme. Konkretisht Braho është prokurori që hetoi aferën e inceneratorit të Elbasanit dhe kërkoi urdhër-arrestet për personat e përfshirë në këtë aferë.

Gjithashtu ishte Braho njëri prej prokurorëve që vendosi të ndante hetimin për Arben Ahmetajn në lidhje me hetimet për inceneratorin e Elbasanit.

Klodjan Braho është prokurori i dosjes së famshme “5D”, dosje në të cilën dërgoi në gjyq ish-zyrtarë të Bashkisë Tiranë të akuzuar për vepra të rënda penale.

Prokurori Braho është po ashtu prokuror i çështjes “Toyota Auris”, dosje e cila vijon të jetë nën hetim.

Kreu i SPAK, Braho ka qenë pjesë e hetimeve për ish-kryeprokurorin Adriatik Llalla./CNA





Lajmet e fundit nga