web counter
LEXO PA REKLAMA!

SHKARKO APP

App Store
Google Play

E fundit!

x

“Kam hetuar edhe zyrtarë”/ Braho në KLP: Në hetimet e SPAK-ut duhet zgjidhje e drejtë, jo e shpejtë

11 Dhjetor 2025, 14:13, Aktualitet CNA

“Kam hetuar edhe zyrtarë”/ Braho në KLP: Në hetimet e

Prokurori Klodjan Braho po vijon prezantimin e tij para anëtarëve të KLP-së, si një nga katër kandidatët për kreun e ri të BKH-së.

Në fjalën e tij, Braho ndau disa objektiva që lidhen me institucionin, ku veçoi rritjen e rolit proaktiv.

“SPAK-u duhet të shndërrohet në një strukturë më proaktive dhe në bashkëpunim me drejtorin e BKH-së të caktohet realizimi i qasjes në praktikë, për burime të hapura dhe informacione nga jashtështetasit, që do të shërbejnë për bazë në referimet penale. Do të kem vëmendje të shtuar për sjelljen e anëtarëve të BKH-së dhe është bërë shumë i rëndësishëm hetimi i autorëve të veprës penale, por edhe në përgjithësi për çështjet penale. Etika dhe sjellja do të jenë pjesë e vlerësimit të punës së tyre”,-tha Braho.

Braho tregoi se gjatë punës së tij ka kryer hetime të shumta, përfshirë këtu hetime ndaj gjyqtarëve e prokurorëve, por edhe zyrtarëve të lartë, për të cilët tha se ka synuar gjithmonë zgjidhje për një hetim të drejtë dhe jo të shpejtë.

“Kam mbaruar Shkollën e Magjistraturës. Rritja graduale në karrierë është realizuar vetëm si rezultat i meritës. Kam ndjekur hetime edhe për prokurorë e gjyqtarë, por besoj se e vërteta i shërben drejtësisë. Kam bërë hetime edhe për zyrtarë dhe njerëz të medias, duke gjetur zgjidhjen më të drejtë, jo më të lehtë. Po ju sjell në vëmendje, kam qenë edhe pedagog në Shkollën e Magjistraturës. Kam qenë edhe përfaqësues i SPAK-ut në çështje që trajtohen në Kolegjin e Apelimit për disa çështje që lidhen me ngjarje në Republikën e Shqipërisë”,-tha Braho./CNA





Lajmet e fundit nga