web counter
LEXO PA REKLAMA!

SHKARKO APP

App Store
Google Play

Ikën Nertil Jole/ Kush është prefektja e re e qarkut Korçë

21 Janar 2026, 18:11, Aktualitet CNA

Ikën Nertil Jole/ Kush është prefektja e re e qarkut

Qeveria ditën e sotme qeveria vendosi lirimin e Nertil Joles nga detyra e prefektit të Korçës. Jole e mbajti këtë detyrë për gati 4 vite. Vite gjatë të cilave, shkeljet e Joles nuk kanë qenë të pakta dhe CNA i ka raportuar.

Gjatë drejtimit të prefekturës, Jola nuk ka kursyer as censurën ndaj gazetarëve apo informacionet për situatën në qarkun Korçë. Jole dhe stafi i tij nuk shpërndanin as informacionet më minimale për situatën nga reshjet në qarkun e Korçës.


“Socialisti” Nertil Jole në fakt është një njeri i dalë nga Partia “Libra” e Ben Blushit. Madje u përdor dhe nga Blushi për të goditur të majtën. Por më pas “u shpërblye” nga Rama me postin e Prefektit të Korçës.

U katapultua si prefekt në Korçë pa asnjë kontribut në fakt për qytetin apo për socialistët.

Emri i Nertil Joles u lakua në media dhe si kandidat për deputet apo dhe kandidat për Bashkinë e Korçës. Lajme të cilat rezultuan krejtësisht të pavërteta. Nga sot Rama e shkarkoi dhe nga Prefektura.

Pas vendimit të sotëm, Nertil Jole u pasua në detyrë nga Florinda Zegullaj.

Prefektja e re e Korçës, Florinda Zegullaj ka kryer studimet për administrim biznesi në Poloni. Zegullaj ka qenë pjesë e ambasadës shqiptare në Poloni, në vitin 2013.

Duke nisur nga viti 2018 dhe deri aktualisht Zegullaj është përgjegjëse e sektorit të Prokurimeve dhe Investimeve në Universitetin e Korçës.

Gjithashtu Zegullaj ka qenë e përfshirë në një sërë nismash sociale. Sa i përket politikës, Florinda Zegullaj nuk është një emër i përfshirë./CNA





Lajmet e fundit nga