web counter
LEXO PA REKLAMA!

SHKARKO APP

App Store
Google Play

E fundit!

x

GJKKO dënon Agron Shehajn

21 Janar 2026, 11:54, Aktualitet CNA

GJKKO dënon Agron Shehajn

GJKKO ka shpallur fajtor kreun e Partisë Mundësia, Agron Shehajn, për fyerje, një padi e bërë nga Adriatik Lapaj.

Gjykata e ka dënuar Shehajn me 300 mijë lekë të rinj gjobë.

“1. I dëmtuari akuzues Adriatik Lapaj me datë 01.04.2025 ka paraqitur pranë Gjykatës kërkesën për gjykimin e çështjes penale me të akuzuar shtetasin Agron Shehaj, i akuzuar për kryerjen e veprave penale të “Fyerjes” dhe “Shpifjes”, parashikuar përkatësisht nga nenet 119/2 dhe 120/2 të K.Penal.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 59, 112, 379, 384, 388/1/b, 390, 393 të K.Pr.Penale, si dhe nenet 119/2 dhe 120/2 të K.Penal, me vendimin nr. 4, datë 21.01.2026 vendosi:

1. Deklarimin fajtor të të akuzuarit Agron Shehaj për kryerjen e veprës penale “Fyerja”, e parashikuar nga neni 119/2 i K.Penal dhe në bazë të kësaj dispozite dënimin e tij me 300 000 (treqind mijë) lekë gjobë.

2. Deklarimin e pafajshëm të të akuzuarit Agron Shehaj për kryerjen e veprës penale “Shpifja”, e parashikuar nga neni 120/2 i K.Penal, pasi fakti i pretenduar nuk përbën vepër penale.

3. Afati i pagimit të gjobës do të jetë 6 (gjashtë) muaj nga dita e marrjes formë të

prerë të këtij vendimi.

4. Shpenzimet gjyqësore i lihet në ngarkim të akuzuarit Agron Shehaj.

5. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 15 ditëve, afat i cili fillon nga dita e nesërme e njoftimit të vendimit”, thuhet në vendimin e GJKKO.  / CNA





Lajmet e fundit nga