web counter
LEXO PA REKLAMA!

SHKARKO APP

App Store
Google Play

E fundit!

x

Ftesa e Trump-it për Kosovën/ Rama uron Osmanin: Sinjal domethënës për sigurinë

21 Janar 2026, 10:46, Aktualitet CNA

Ftesa e Trump-it për Kosovën/ Rama uron Osmanin: Sinjal

Kryeministri Edi Rama i ka përcjellë një mesazh urimi Presidentes së Kosovës, Vjosa Osmani, pas marrjes së ftesës nga Presidenti Trump për të qenë pjesë e Bordit të Paqes.

Në mesazhin e tij Rama thekson se është një gjest dhe sinjal domethënës për sigurinë e përkatësinë e Kosovës në hapësirën e interesit të gjerë amerikanë në botë.

Kryeministri nënvizoi se beson që faktorët politikë të Kosovës do ta çmojnë këtë dorë të shtrirë nga Presidenti i SHBA-së.

“Urime zonja Presidente, e dashur Vjosa, për marrjen e ftesës për t’u bërë pjesë e Bordit të Paqes, një gjest tejet domethënës i Presidentit Trump ndaj Kosovës, që forcon më tej marrëdhënien e Amerikës mike me popullin shqiptar, por që edhe jep një sinjal domethënës për sigurinë e përkatësinë e Kosovës në hapësirën e interesit të gjerë amerikan në botë.

Edhe njëherë urime dhe dua të besoj se faktorët politikë të Kosovës do ta çmojnë këtë dorë të shtrirë nga Presidenti i SHBA-së, si një gjest që nuk është aspak pa lidhje edhe me respektin për ty personalisht e për rolin tënd ndërkombëtarisht”, shkruan Rama në platformën "X"./ CNA





Lajmet e fundit nga