web counter
LEXO PA REKLAMA!

SHKARKO APP

App Store
Google Play

E fundit!

x

"21 janari"/ Xhaxhai i Aleks Nikës: SPAK-u, shpresa jonë e vetme për drejtësi

21 Janar 2026, 10:46, Aktualitet CNA

"21 janari"/ Xhaxhai i Aleks Nikës: SPAK-u, shpresa jonë e

Xhaxhai i Aleks Nikës, Mark Nika, dha një deklaratë për mediat pas homazheve për “21 janarin”, ku një ndër protestuesit e vrarë ishte edhe nipi i tij. Nika u shpreh se kërkon drejtësi për çështjen dhe nxjerrjen e përgjegjësve para ligjit.

Ndër të tjera ai theksoi se SPAK-u, i cili ka në dorë çështjen, është shpresa e vetme për drejtësi dhe ndëshkimin e autorëve.

“21 janari për ne ishte ditë tragjike. Koha për politikanët, pushtetarët dhe diplomatët e huaj mbaroi. Çështja e 21 janarit nuk është më një debat politik, por çështje penale që kërkon drejtësi të plotë. Sot shpresa jonë e vetme është vendosja e drejtësisë dhe ndëshkimi i autorëve nga SPAK-u. E vërteta duhet të dalë në dritë dhe përgjegjësit duhet të dalin para ligjit pa asnjë mbrojtje apo ndikimi politik. Shpresa e fundit për të bërë drejtësi e për të ndëshkuar vrasësit është në duart e hetuesve dhe Prokurorisë Speciale që kanë dosjen në dorë. Është koha për veprime konkrete. Ambasadorët e vendeve aleate shpresojmë të na dëgjojnë. Ata na kanë premtuar se do të na mbështesin në kërkesat e pareshtura për drejtësi. Ne nuk duam hakmarrje, por drejtësi. Qëndrojmë me besim te SPAK-u dhe Gjykata e Strasburgut për drejtësi”, u shpreh Nika. /CNA





Lajmet e fundit nga