web counter
LEXO PA REKLAMA!

SHKARKO APP

App Store
Google Play

Censurë në Prefekturën e Korçës/ Nertil Jole fshihet si mi!

13 Janar 2025, 10:11, Aktualitet CNA
Censurë në Prefekturën e Korçës/ Nertil Jole fshihet
Nertil Jole

Prefektura e Korçës hesht përballë gazetarëve!

Në një situatë të vështirë me reshjet e borës që përfshinë juglindjen që prej ditës së diel, i vetmi institucion që ka bërë "bllokadë" të informacioneve ka qenë prefektura e Korçës me në krye Nertil Jolen.

Ndonëse herë pas here gazetarët e qarkut juglindor kanë kërkuar informacion zyrtar sa i përket situatës së motit, nuk është marrë përgjigje nga stafi i prefekturës, të cilët kanë censuruar informacionin, ndërsa kryetari i tyre, Nertil Jole, fshihet si mi, duke shpërndarë frymën e propagandës te punonjësit dhe jo atë të bashkëpunimit me gazetarët për të përçuar situatën në të cilën ndodhet juglindja e përfshirë nga bora.

Edhe këtë të hënë, gazetarët kanë kërkuar informacion zyrtar, por si përgjigje kanë marrë se ky institucion ka për detyrë të sjellë vetëm aktivitetet që bën institucioni dhe Nertil Jole, por kurrsesi nuk jep informacione mbi vështirësitë dhe problematikat që kanë sjellë reshjet e borës.

Censurë në Prefekturën e Korçës/ Nertil Jole fshihet

Censurë në Prefekturën e Korçës/ Nertil Jole fshihet

Censurë në Prefekturën e Korçës/ Nertil Jole fshihet

"Të nderuar, ky grup nuk është kanal për të derguar informacion, por për të bërë njoftime mbi aktivitetet e institucionit. Gjithsesi ju falenderojmë për interesin dhe herë pas here do ju nisim informacion sipas kërkesave tuaja", thuhet në përgjigjen e zyrtarëve të Prefekturës.

Censurë në Prefekturën e Korçës/ Nertil Jole fshihet

Krahas kësaj përgjigjeje të pajustifikueshme, kanë dërguar një informacion të përgjithshëm të cilin CNA e ka transmetuar që prej mëngjesit të kësaj të hëne, duke mos dhënë asnjë informacion shtesë apo të vlefshëm.

Si duket, grupi i medias të prefekturës Korçë është ngritur vetëm për njoftime aktivitetesh të institucionit e jo për vënie në dispozicion të të dhënave dhe informacioneve të rëndësishme që kanë interes për publikun./ CNA





Lajmet e fundit nga