web counter
LEXO PA REKLAMA!

SHKARKO APP

App Store
Google Play

E fundit!

x

I shpallur në kërkim nga SPAK/ Gjykata e Lartë në Brazil lëshon urdhër-arrest për Ervin Matën

28 Shtator 2025, 10:56, Aktualitet CNA


Gjykata e Lartë në Brazil ka lëshuar urdhër arresti për të shumëkërkuarin e SPAK, Ervin Matën.

Ministri Alexandre de Moraes, urdhëroi arrestimin paraprak të Ervin Matës, 38 vjeçi cili jeton në Brazil.

Urdhër-arresti u lëshua më 11 mars, por dekreti u publikua vetëm më 23 shtator. Çështja po përpunohet në mënyrë konfidenciale në Gjykatën Federale Supreme (STF) si pjesë e një kërkese për ekstradim. Ervin Mata nuk është arrestuar ende.

Qeveria shqiptare ka paraqitur një kërkesë në gjykatat braziliane për ekstradimin e biznesmenit. Në Shqipëri, ai akuzohet për trafik droge, pjesëmarrje në një organizatë kriminale.

Mata është në kërkim ndërkombëtar që nga nëntori i vitit 2023.

Katër dërgesa me kokainë të kapura në vitin 2021 në Holandë, Brazil, Gjermani dhe Spanjë, janë bërë objekt i hetimit të prokurorisë së posaçme SPAK, ndaj anëtarëve të grupit të Ervin Matës, i njohur për përplasjen me armë zjarri në ish-Bllok me Ervis Martinajn disa vite më parë.

Bëhet fjalë për një sasi prej 931 kg kokainë dhe lëndë narkotike të llojeve të ndryshme, që janë kapur në katër shtete dhe SPAK ka provuar se organizatorë të dërgimit të kokainës nga vendet e Amerikës Latine në Evropë, ishin pikërisht shqiptarët, që drejtoheshin nga Ervin Mata./ CNA

 





Lajmet e fundit nga