web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen bisedat/ Si manipuloheshin tenderat për Bashkinë e Kolonjës në dosjen me Erion Isain

26 Shtator 2025, 16:58, Aktualitet CNA

Zbardhen bisedat/ Si manipuloheshin tenderat për Bashkinë e

Prokuroria e Posaçme ka zbuluar detaje nga mekanizmi i manipulimit të tenderave të kompanive të  paracaktuara si fituese për dosjen ndaj kryebashkiakut të Kolonjës, Erion Isai, një ditë pasi u mor si pandehur nga SPAK.

Në dosje janë përfshirë edhe bisedat mes administratores së kompanisë private “A & E Engineering” sh.p.k, Entela Çano, fituese, me përgjegjësin e Sektorit të Prokurimeve Publike në Bashkinë e Kolonjës, Armand Tafili.

Bisedat mes Entela Çanos dhe Armand Tafilit:

-Në datën 17.09.2020, në orën 12:25, shtetasja Entela Çano i dërgon Armand Tafilit mesazhin:

“Kanë vetëm datën për të ndryshuar dhe personin që e ka hartuar”

Si dhe ka dërguar dokumentin e titulluar
“2-DETAJIMI 1 MBIKQYRJES UJESJELLES KOZELI.docx”.

(Nga këqyrja rezulton se ky dokument konsiston në përcaktimin e vlerës minimale dhe maksimale për procedurën e prokurimit të titulluar “SHERBIMI MBIKQYRJE PUNIMESHSUPERVIZION I OBJEKTIT: Ndertim i ujësjellësit Erseke dhe te disa fshatrave Faza e Dyte nga burimet e Kozelif”. Referuar këtij dokumenti vlera maksimale e mbikëqyrjes është shënuar 6,409,651.65 lekë me tvsh (5,341,376.37 lekë pa tvsh), ndërsa vlera minimale është shënuar 5,566,761.97 lekë me tvsh (4,638,968.31 lekë pa tvsh).

-Në orën 12:26, pasi ka marrë mesazhet e mësipërme, shtetasi Armand Tafili ka dërguar mesazhin:

“Dakort Entela. Shumë faleminderit. Mbetemi në kontakt”.

-Në orën 12:28, Entela Çano ka mesazhin:

“Ok. Faleminderit”.

-Biseda të bëra në datën 20.09.2020 mes shtetasve Armand Tafili, me detyrën e Përgjegjësit të Sektorit të Prokurimeve në Bashkinë Kolonjë dhe shtetases Entela Çano:

-Në orën 11:06, shtetasi Armand Tafili i ka dërguar Entela Çano një material, përmbajtja e të cilit nuk mund të evidentohet.

-Në orën 11:08, Armand Tafili i dërgon Entela Çano mesazhin:

“Përshëndetje Entela. Fondi për supervizimin është 5.094.540 lekë me tvsh, ndërsa ju e keni nxjerrë më shumë.”

Gjithashtu, dërgon edhe një material, përmbajtja e të cilit nuk mund të evidentohet.

-Në orën 11:35, Entela Çano dërgon mesazhin:

“Përshëndetje.. po e rikalkuloj dhe po jua dërgojmë”.

-Në orën 11:37, Armand Tafili dërgon mesazhin:

“Dakord faleminderit”.

-Në orën 11:39, Entela Çano dërgon mesazhin:

“Asgjë, të lutem”.

-Biseda të bëra në datën 24.09.2020 mes Armand Tafili, dhe Entela Çano:

-Në orën 11:35, Çano i dërgon Tafilit mesazhet:

“Armand përshëndetje… si je ? Po të dërgoj llogaritjet.. por të lutem kjo vlere duhet mbajtur sekret.. askush nuk duhet ta dijë të lutem”.

Gjithashtu, i dërgon edhe një material, përmbajtja e të cilit nuk mund të evidentohet.

-Në orën 11:36, Armand Tafili dërgon mesazhin:

“Mirë, si je ti? Patjetër”.

Në orën 11:36, Entela Çano dërgon dokumentin e titulluar “2-DETAJIMI I MBIKQYRJES UJESJELLES KOZELI.docx”.

-Në orën 11:36, Armand Tafili dërgon mesazhin:

“Faleminderit”.

-Në orën 11:36-11:37, Entela Çano dërgon mesazhet:

“Ky është procesverbali.. Faleminderit ty.. por te lutem askuj?”.

Në orën 11:37, Armand Tafili dërgon mesazhin:

“Ri e qetë”.

(Në lidhje me mesazhet e mësipërme, nga këqyrja rezulton se dokumenti i titulluar “2- DETAJIMI I MBIKQYRJES UJESJELLES KOZELI.docx” konsiston në përcaktimin e vlerës minimale dhe maksimale për procedurën e prokurimit të titulluar “SHERBIMI MBIKQYRJE PUNIMESH-SUPERVIZION I OBJEKTIT: Ndërtim i ujesjellesit Erseke dhe te disa fshatrave Faza e Dyte nga burimet e Kozelit”. Referuar këtij dokumenti vlera maksimale e mbikëqyrjes.

-Biseda të bëra në datën 25.09.2020 mes shtetasve Armand Tafili, me detyrën e Përgjegjësit të Sektorit të Prokurimeve në Bashkinë Kolonjë dhe shtetases Entela Çano:

-Në orën 11:25, shtetasi Armand Tafili i dërgon Entela Çano mesazhin:

“Entela si je. Ka mundësi të na bëni dhe llogaritjen e fondit limit për kolaudimin, sepse do hedhim dhe atë”.

-Në orën 11:27, Entela Çano dërgon mesazhin:

“Patjetër.. por nga e hëna do tua dërgoj”.

-Në orën 11:28, Armand Tafili dërgon mesazhin:

“Nuk ka mundësi më përpara se të hënë do publikohen”.

Si dhe ka dërguar një material, përmbajtja e të cilit nuk mund të evidentohet.

-Në orën 11:30, Entela Çano dërgon mesazhin:

“Personi qe mi kalkulon ka lindur para 5 ditësh… dhe unë po bëj maximumin.. të shikoj dhe të them”.

-Në orën 11:30, Armand Tafili dërgon mesazhin:

“Mirë lëre se po e bëj diku tjetër”.

-Në orën 11:30, Entela Çano dërgon mesazhin:

“Por e kini gabim që e nxirrni kolaudimin tani në sistem”.

-Në orën 11:30, Armand Tafili dërgon mesazhin:

 “Faleminderit ti. Po pse”.

-Në orën 11:31-11:33, Entela Çano dërgon mesazhin:

“Kolaudimi hidhet në sistem në momentin që kontraktori njofton përfundimin e punimeve sipas ligjit të prokurimeve. Mos u nxitoni..për mendimin tim.. Sepse fondi limit i kolaudimit kalkulohet në bazë të situacionit përfundimtar. Dhe jo në bazë të vlerës së kontratës”.

-Në orën 11:33, Armand Tafili dërgon mesazhin:

“Bëhet në bazë të vlerës së projektit. Unë kështu i kam bërë”.

-Në orën 11:34, Entela Çano dërgon mesazhin:

“Jo… bëhet në bazë të vlerës së situacionit përfundimtar të kontratës së zbatimit”.

-Në orën 11:34, Armand Tafili dërgon mesazhin:

“Dakort, app një email”. Po i bej më vete, po i kam çuar”.

-Biseda të bëra në datën 05.10.2020, në orën 12:08, Entela Çano i dërgon Armand Tafilit mesazhin:

“Armand përshëndetje ..si je ?”.

-Në orën 12:08, Armand Tafili dërgon mesazhin:

“Mire si je ti”.

-Në orën 12:08, Entela Çano dërgon mesazhin:

“Çfarë po bëhet me MBKQ e Kozelit ?”.

-Në orën 12:08, shtetasi Armand Tafili telefonon Entela Çano dhe së bashku zhvillojnë një bisedë telefonike.

Në orën 15:17, shtetasi Armand Tafili i dërgon shtetases Entela Çano dokumentin e regjistruar me emërtimin “5.Termat e referencës Ndërtim i ujësjellësit Ersekë dhe të disa fshatrave Faza e Dytë nga burimet e Kozelit..docx”, si dhe mesazhin:

“Entela më jep një konfirmim për pjesën me të verdhë”.

-Në orën 15:19, Entela Çano dërgon mesazhin:

“Po… në rregull i ke”.

Në orën 15:19, Armand Tafili telefonon Entela Çano dhe së bashku zhvillojnë një bisedë telefonike.

Biseda të bëra në datën 07.10.2020 mes shtetasve Armand Tafili, me detyrën e Përgjegjësit të Sektorit të Prokurimeve në Bashkinë Kolonjë dhe shtetases Entela Çano:

Në orën 17:47, Armand Tafili i ka dërguar Entela Çano mesazhet:

“Si kalove? E pe besoj?”.

Në orën 17:48, Entela Çano dërgon mesazhin:

“Mirë faleminderit… po e pashë… rrofsh… dorën e mbarë..”

-Në orën 17:48, Armand Tafili dërgon mesazhin:

“Mbarë…”.

(Në lidhje me këtë komunikim, referuar këqyrjes së sistemit elektronik të prokurimeve publike, rezulton se në datën 07.10.2020 është bërë publikimi i procedurës së prokurimit me objekt “Loti Nr.2 Mbikëqyrje Punimesh Ndërtim i Ujësjellësit Ersekë dhe të disa fshatrave Faza e dytë nga burimet e Kozelit”).

-Biseda të bëra në datën 08.10.2020 mes Armand Tafili dhe Entela Çano:

-Në orën 08:56, Tafili i ka dërguar Çanos mesazhin:

“Mirëmëngjes. Më nis tre nipte që të bëj ftesën për ofertë në sistem”.

-Në orën 09:13, Entela Çano dërgon mesazhin:

“Mirëmëngjes… po direkt tani”.

Biseda të bëra në datën 08.10.2020 mes shtetases Entela Çano dhe shtetasit Erjona Bujupi (punonjëse e shoqërisë së shtetases Entela Çano, “A&E Engineering” sh.p.k), si dhe shtetasit Armand Tafili, me përmbajtje:

-Në orën 09:14, Entela Çano i përcjell Erjona Bujupi mesazhin e marrë nga Armand Tafili:

“Mirëmëngjes. Më nis tre nipte që të bej ftesën për ofertë në sistem”, si dhe i shkruan “Për Kozelin ma dërguan… të lutem i thuaj Makut që do t’i vejë ftesë”.

-Në orën 09:15, Erjona Bujupi i dërgon mesazhin:

“Mirmëngjesi, tjetër?. Ne, maku dhe kish…

-Në orën 09:15, Entela Çano dërgon mesazhin:

“Një jemi ne… 2 është Maku (kompania) dhe 3 t’i japim Soon se i plotëson”.

-Në orën 09:15, Erjona Bujupi dërgon mesazhin:

“Të t’i dërgoj niptet unë? Apo i ke dhënë?”.

-Në orën 09:16, Entela Çano dërgon mesazhin:

“Mi dërgo pak të shkruara me sms të saktë… emër subjekti dhe nipt… të vendosura sipas radhës”.

-Në orën 09:16, Erjona Bujupi dërgon mesazhin:

“Në rregull”.

-Në orën 09:21, Entela Çano i përcjell Armand Tafili mesazhin e marrë nga Erjona Bujupi.

-Në orën 09:36, Armand Tafili dërgon mesazhin Entela Çano:

“Rrofsh”.

-Në orën 09:37, Entela Çano dërgon mesazhin:

“Faleminderit… ty”.

 





Lajmet e fundit nga