"Manastirliu kandidatura më e pranueshme ndër gratë socialiste"/ Shehi: Opozita e ka një shans që mund të sjellë shpresë

25 Shtator 2025, 22:18, Aktualitet CNA

"Manastirliu kandidatura më e pranueshme ndër gratë

Ish-kreu i LZHK-së Dashamir Shehi, i ftuar në emisionin “Now” me Erla Mëhillin analizoi garën që pritet të nisë për Bashkinë e Tiranës.

Shehi tha se opozita ka një mundësi për një kandidat jopolitik që është Fatos Lubonja. Ish-deputeti tha se kandidimi i tij do të jepte një mesazh se gjërat po ndryshojnë dhe do të sillte shpresë.

"Nuk ka kandidatë apolitikë, ku janë more këta? Nuk shoh as nga diaspora, kandidati duhet të jetë tamam.

Fatos Lubonja është një shans që e ka opozita, jo se do rregullojë Tiranën se për 15 muaj nuk e rregullon as Churchill-i, por do japë një sinjal politik, do t’i japë shpresë jo thjesht opozitës por të gjithë shqiptarëve se diçka do ndryshojë.

Nëse humbet për një grusht votash dhe është aty aty do të ngrejë një dallgë të madhe, por personazhi ka shumë rëndësi.

Ai që do vendoset si kandidat do të jetë shefi i opozitës, nëse e mendojnë që më mirë të humbë i projektuari sesa të fitojë dikush do shohim rezultat..

Ka disa faktorë të rinj që kanë hyrë në Tiranë që do marrë rrjedhjet, ai do marrë një grusht votash nga e majta.

Nëse opozita pret kush është gjeli mes atyre të vegjëlve gabon shumë, opozita duhet të kapërcejë veten nëse jo ai do qëndrojë sa të dojë", tha Shehi

Përsa i përket kandidaturës së Manastirliut Dashamir Shehi tha se është më e pranueshmja nga gratë socialiste dhe ka mbështetje politike për një garë politike si ajo e Bashkisë së Tiranës.

"Manastirliu më e pranueshmja nga gratë socialiste, ka votën politike", tha Shehi.

Shehi tha se Partia Demokatike ka disa figura që nuk duhet t’i shpërdorojë, por mund të vendosë dhe jo të djathtë pasi edhe Rama s’është i majtë duke qenë që votohet nga kapitalistët.

"Opozita ka modele si Tabaku do t’i shkoja nga pas. Qytetarët nuk i vijnë nga pas nëse vendos ata që bërtasin.

Rama i do zgjedhjet e Tiranës për të certifikuar zgjedhjet e 11 majit. Këto zgjedhjet janë për dy vetë kokë më kokë dhe është moment oportun për opozitën, është një ristart.

Po të vendosë një djalë të mirë në Burrel e merr, s’ka rëndësi nëse është i djathtë., sepse Edi Rama s’është i majtë duke qenë se në Tiranë janë mbledhur gjithë kapitalistët që e votojnë.

Në Shqipëri të lavdërojnë në pushtet, por ka dhe njerëz që duan të lavdërohen në opozitë, i thonë na prij, në demokraci s’duhet të këtë prijës. Opozita nuk duhet t’i shpërdorojë disa figura", tha ish-deputeti./CNA