Të 40-at e Mero Bazes dhe Erion Veliajt

26 Shtator 2025, 14:35, Aktualitet CNA

Sot shënohen të 40-at e Mero Bazes dhe Erion Veliajt. 40 ditë që shqiptarët përballen me mashtrimet publike të Erion Veliajt dhe mbetjes së tij mediatike Mero Baze.

Teksa kanë kaluar 40 ditë, Veliaj dhe Mero Baze vijojnë dy mashtrimet e tyre. Ende nuk kanë publikuar as kërkesën e prokurorit Ols Dado për shtesë për leje dhe as refuzimin nga Erion Veliaj.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Të 40-at e Mero Bazes dhe Erion Veliajt

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Të 40-at e Mero Bazes dhe Erion Veliajt

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

Të 40-at e Mero Bazes dhe Erion Veliajt

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Sot në të 40-at, Erion Veliaj dhe Mero Baze vijojnë mashtrimin e tyre publik, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e tij mediatike./CNA