web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat në gjyqin për "5D" dhe pyetja ndaj Këlliçit/ Dalin skemat, avokatët kërkonin spiunin

25 Shtator 2025, 22:39, Aktualitet CNA

Prapaskenat në gjyqin për "5D" dhe pyetja ndaj

Gazetarja Klodiana Lala ka zbuluar prapaskenat e gjyqit të drejtorëve 5D ku në pyetje u mor dhe deputeti i PD-së Belind Këlliçi.

E ftuar në MCN TV, gazetarja Klodiana Lala u shpreh se ka patur debate të ashpra në seancë ku Këlliçit iu kërkua burimi i informacionit dhe ka patur ndaj tij pyetje me natyrë politike.

Ajo zbuloi se avokati pyeti Këlliçin nëse do të garonte tani për Tiranën duke qenë se nuk është Redi Molla që të vjedhë votat. Gazetarja tha se në këtë rast avokati u gjobit.

Më tej shtoi se tentativa e avokatëve nuk ishte zbardhja e procesit por të zbulonin se kush i kishte spiunuar.

"Janë tre drejtorë të Bashkisë. Këlliçi është pyetur sot. Ka patur debate të ashpra në seancë. Këlliçit i është kërkuar burimi i informacionit. Ka patur në adresë të tij edhe pyetje me natyrë politike dhe njëra nga pyetjet, avokati iu dretjua duke thënë, a do të garoni sërish për sa kohë nuk keni Redi Mollën t'ju vjedhë votat? Avokati u gjobit në këtë rast.

Tentativa e avokatëve nuk ishte për të zbardhur procesin, por me sa u kuptua, kishte të bënte me faktin, ishin të interesuar, se kush ishte njeriu që i kishte spiunuar. Këlliçi tha se ka ardhur denoncim anonim. Pra kërkonin më shumë spiunin sesa faktet.

Ideja ishte që avokatët ishin shumë të interesuar për spiunin”, tha Lala./ CNA





Lajmet e fundit nga