web counter
LEXO PA REKLAMA!

SHKARKO APP

App Store
Google Play

E fundit!

x

Papa Leoni, letër urimi Fortlumturisë së Tij, Joanit: Lutem që Perëndia t'u bekojë me dhurata shpirtërore

26 Shtator 2025, 13:25, Aktualitet CNA

Papa Leoni, letër urimi Fortlumturisë së Tij, Joanit: Lutem

Papa Leo i XIV, i ka dërguar një letër urimi Fortlumturisë së Tij, Joanit, në ditën e emrit të Kryepiskopit të Tiranës, Durrësit dhe gjithë Shqipërisë.

Ati i Shenjtë i uron Fortlumturisë së Tij që perëndia ta bekojë me dhurata të bollshme shpirtërore.

Më tej, në letrën e urimit të Papa Leos, Ati i Shenjtë shkruan se shpreson që Fortlumturia e Tij, Joani, dhe kisha e Shqipërisë ta kenë gjithnjë vështrimin të ngulur te Zoti Krisht.

 

Letra e urimit të Papa Leos XIV

Fortlumturisë së Tij, Joanit

Kryepiskopit të Tiranës, Durrësit dhe të Gjithë Shqipërisë

Ditën kur Kisha e Lindjes kremton përkujtimin liturgjik të jetëndërrimit të Apostullit dhe Ungjillorit Joan, shenjtorit tuaj, lutem për ju, Fortlumturi, që Perëndia i Tërëfuqishëm t’ju bekojë me dhurata të bollshme shpirtërore juve, si dhe të gjithë sa i janë besuar përkujdesjes suaj. Shpresoj gjithashtu që, në imitim të Apostullit Joan, Fortlumturia juaj, si dhe e gjithë Kisha e Shqipërisë, ta mbani gjithnjë vështrimin të ngulur te Zoti Krisht dhe tek plotësia e jetës dhe e dashurisë që na pret në kthimin e lavdëruar, teksa vazhdojmë të rrugëtojmë përpara, nën udhëheqjen e Shpirtit të Shenjtë, në udhën drejt pajtimit dhe rivendosjes së plotë të kungimit mes kishave tona. Duke ju uruar përzemërsisht, shkëmbej me Fortlumturinë tuaj përqafim vëllazëror të paqes në Zotin.

Leo PP. XIV

Vatikan, më 19 shtator 2025

Papa Leoni, letër urimi Fortlumturisë së Tij, Joanit: Lutem

 





Lajmet e fundit nga