E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Patriarku Ekumenik i Konstandinopojës, Vartholomeu i dërgon Kryepiskopit Joan letër urimi për ditën e emrit: Jisu Krishti t'iu forcojë në shërbimin e lartë kishtar

26 Shtator 2025, 17:23, Aktualitet CNA

Patriarku Ekumenik i Konstandinopojës, Vartholomeu i dërgon

Patriarkut Ekumenik i Konstandinopojës, Vartholomeu i ka dërguar një letër urimi Kryepiskopit të Tiranës, Durrësit dhe Gjithë Shqipërisë, Imzot Joanit me rastin e festës së emrit.

Në letër, Tërëshënjtëria e Tij thekson vlerësimin e lartë për Kryepiskopin, në detyrën e tij në krye të Kishës Orthodokse.

Vartholomeu e uron Kryepiskopin që Jisu Krishti ta forcojë, në shërbimin e tij kishtar të lartë dhe plot përgjegjësi për të mirën e popullit të Perëndisë, që i është besuar prej së larti.

Letra e Plotë:

Fortlumturi dhe Kryepiskop fort i shenjtë i Tiranës, Durrësit dhe i Githë Shqipërisë, vëlla dhe bashkëmeshtar fort i dashur dhe fort i shtrenjtë më Krishtin Perëndi, z. Joan, duke ju përqafuar vëllazërisht më Krishtin, Fortlumturi i nderuar, që jeni fort i shtrenjtë për ne, ju përshëndesim ngrohtësisht nga zemra.

Himnojmë dhe lavdërojmë Zotin e lavdisë, që i dhuroi Kishës së Tij të Shentjë Fortlumturinë tuaj të nderuar, ndërsa neve një vëlla dhe bashkëmeshtar të shtrenjtë, dhe po komunikojmë me ju për t’ju shprehur urimet e Kishës së Shenjtë dhe të Madhe të Krishtit me rastin e të kremtes së Emrit Tuaj, si edhe urimet tona personale.

Të kremtet në traditën orthodhokse janë raste për të lavdëruar Perëndinë Triadik për dhuratat e Tij të papërshkrueshme ndaj botës dhe ndaj çdonjërit prej nesh. Këtë gjë po bëjmë edhe sot, duke e ndarë këtë gëzim me vëllezërit dhe duke marrë nga njeridashja e papërshkrueshme hyjnore frymëzim dhe fuqi për të shërbyer, për të dhënë fryte dhe vepra të mira, duke i mbajtur gjithmonë sytë tek Ai që është kreu i besimit tonë dhe Ai që e bën atë të përsosur, duke thirrur me falënderim: “Çfarë ke që s’e ke marrë përej Tij?” dhe: “Lavdi Perëndisë për gjithçka!”.

I përgjërohemi Zotit, Perëndisë dhe Shpëtimtarit tonë Jisu Krisht që t’ju forcojë, Fortlumturi, në shërbimin tuaj kishtar të lartë dhe plot përgjegjësi për të mirën e popullit të Perëndisë, që ju është besuar prej së larti, të Orthodhoksisë dhe të gjithë botës, që përmes jush të lavdërohet Emri i Tij përmbiqiellor, dhe ju urojmë shëndet të plotë dhe çdo bekim; ju përqafojmë dhe ruajmë për ju nderimin e veçantë dhe dashurinë e thellë më Krishtin.

Të shumta qofshin vitet tuaja, Fortlumturi dhe vëlla!

26 shtator 2025,

Fortlumturisë suaj të nderuar,

vëllait të dashur më Krishtin

Bartholomeu

Patriarku i Konstandinopojës