web counter
LEXO PA REKLAMA!

SHKARKO APP

App Store
Google Play

Hoxha: Kryeministri arriti të menaxhonte bandat dhe sot s’kemi më banda, por organizata

4 Shtator 2025, 16:07, Aktualitet CNA

Hoxha: Kryeministri arriti të menaxhonte bandat dhe sot s’kemi

Gazetari Artan Hoxha në një dalje televizive ka folur për situatën politike dhe ekonomike në vend.

Hoxha tha se situata aktuale në vend nuk është normale, pasi nuk ka ndarjes mes botës së biznesit, politikës dhe krimit.

Më tej, gazetari tha se tashmë ka një drejtues organizate dhe të gjitha të çojnë te operatori kombëtar i menaxhimit të parasë.

Gazetari deklaroi se operatori i parë që u krijua është ai i narkotikëve dhe tha se të gjithë operatorët kanë një drejtues.

Hoxha tha se ata që shkojnë në burg nga radhët e poltikës, shkojnë me premtimin se nuk do t’u preket pasuria.

“Shqipëria nuk është në situatë normale, s’ka më ndarje bota e politikës, bota e biznesit dhe e krimit. Tani ka një kre organizate, të gjitha të çojnë te operatori kombëtar i menaxhimit të parasë. Do na vijë gjaku i ri i deputetëve Tërmet Peçi apo Zegjine Çaushi. Ata do t’i vendosin këmbën në fyt kryeministrit? Tani do të shohim se kush do të qëndrojë aktivitetin e kush do të shkojë pas hekurave të burgut. Ata që do shkojnë në burg shkojnë me garancinë dorëzohu se nuk do të të preken pasuritë. Krimi dhe pushteti janë kafshë territoriale dhe kur janë të qetë nuk ka atentate.

Operatori Kombëtar i ka ndarë mirë detyrat, ky kryeministër arriti të menaxhonte bandat dhe sot s’kemi më banda, por organizata. Ahmetaj foli si një anëtar i organizatës, tregoi kush ishte kreu. Për fatin tonë dhe të tijin Ahmetaj iku para se të shkonin te dera se po të ishte te 313 s’do na tregonte dot nga brenda organizatës. Iku dhe Alqi, por e kapi koordinatori dhe e solli për gjithë natën nga Kosova e dorëzoi atje.

Operatori i parë që u krijua është ai i narkotikëve, të gjithë operatorët kanë një drejtues dhe nuk presim të vijnë ditë më të mira për ne.  Nuk kemi parë asgjë akoma”, tha Hoxha./ CNA





Lajmet e fundit nga