web counter
LEXO PA REKLAMA!

SHKARKO APP

App Store
Google Play

Grupet shqiptare në Amerikën Latine/ Dumani: Kemi bashkëpunim me Ekuadorin dhe Brazilin

2 Dhjetor 2024, 17:23, Aktualitet CNA
Grupet shqiptare në Amerikën Latine/ Dumani: Kemi bashkëpunim me
Kreu i SPAK-ut, Altin Dumani

Kreu i SPAK-ut, Altin Dumani, u pyet për shtrirjen e grupeve kriminale shqiptare në Amerikën Latine gjatë mbledhjes së Komisionit të Monitorimit të Këshillit të Evropës.

Dumani tha se SPAK-u ka nënshkruar marrëveshje bashkëpunimi me Ekuadorin, Brazilin dhe me vende ku ka grupe shqiptarësh.

Ai deklaroi gjithashtu se Prokuroria e Posaçme ka bashkëpunim të shkëlqyer edhe me Mbretërinë e Bashkuar.

"Sa i takon Ekuadorit, e kemi konstatuar në hetimet që grupet shqiptare janë prezente në Ekuador. Kemi krijuar bashkëpunim me autoritetet e Ekuadorit. Në 2024 kemi konsoliduar një marrëveshje bashkëpunimi, kemi ndihmuar në hetimet që po bëjnë ndaj grupeve shqiptare siç po hetojmë bashkarisht. Edhe për shumë vende të tjera bashkëpunimi me Ekuadorin dhe vende të Amerikës Latine është vështirë. Por si SPAK ja kemi dalë të kemi kontakte dhe të kemi informacione e kemi bërë me shumë shtete të Amerikës Latine, Brazilin, dhe vende ku ka grupe shqiptarësh.

Me Mbretërinë e Bashkuar kemi bashkëpunim të shkëlqyer. Drejtori MCA ka qenë në zyrën time, por edhe unë e kam vizituar në Londër. Kemi marrëdhënie konstante bashkëpunimi me shkëmbime informacionesh, kemi skuadra të përbashkëta. Kemi hetime të përbashkëta. Me kënaqësi me autoritet të Mbretërisë së Bashkuar kemi vendosur ura komunikimi të cilat dita ditës po japin fryte. Një fushë tjetër ajo kur shtetas shqiptar të dënuar në Mbretërinë e Bashkuar kanë transferuar produkte të veprës penale në Shqipëri dhe në bashkëpunim me Mbretërinë e Bashkuar për këtë kategori, SPAK të regjistrojë hetime pasurore për sekuestrimin e produkteve të veprës penale. Jemi në rrugë të mbarë. Kontaktet i kemi të shumta", theksoi kreu i SPAK-ut./ CNA





Lajmet e fundit nga