web counter
LEXO PA REKLAMA!

SHKARKO APP

App Store
Google Play

E fundit!

x

SPAK përgënjeshtron deklaratën/ "Prokurori Olsi Dado nuk ka lidhje me lirimin e kunatit të Altin Hajrit"

1 Dhjetor 2024, 21:22, Aktualitet CNA

SPAK përgënjeshtron deklaratën/ "Prokurori Olsi Dado nuk ka


Prokuroria e Posaçme kundër Korrupsionit dhe Krimit të Organizuar ka reaguar në lidhje me deklaratën se prokurori Olsi Dado ka liruar nga burgu kunatin e Altin Hajrit, Julian Gjoshin, i cili në vitin 2021 ishte dënuar për armëmbajtje pa leje dhe drejtim të mjetit në gjendje të dehur.

Ndër të tjera, SPAK sqaron se informacionet që janë përmendur në këtë deklaratë janë tërësisht të pavërteta dhe nuk kanë asnjë lidhje me prokurorin e përmendur.

“Prokuroria e Posaçme kundër Korrupsionit dhe Krimit të Organizuar përgënjeshtron deklaratën e sotme përmes të cilës aludohet se prokurori i posaçëm, Ols Dado “ka liruar nga burgu kunatin e Altin Hajrit”.

SPAK sqaron se informacionet që janë përmendur në këtë deklaratë janë tërësisht të pavërteta dhe nuk kanë asnjë lidhje me prokurorin e përmendur.

SPAK i bën thirrje mediave dhe opinionit publik të jenë të kujdesshëm ndaj informacioneve të pasakta dhe spekulative.

SPAK apelon për një trajtim të përgjegjshëm dhe të balancuar të informacionit nga ana e përfaqësuesve politikë dhe mediave dhe nënvizon se do të vijojë punën pa asnjë kompromis në ruajtjen e integritetit dhe besueshmërisë së publikut në ushtrimin e funksioneve të tij”, thuhet në njoftimin e SPAK-ut.

Kujtojmë se pasditen e kësaj të diele, në Ndroq të Tiranës, Julian Gjoshi ekzekutoi Alfred Dedjan, krim që dyshohet të ketë ndodhur si pasojë e prishjes së pazareve të drogës. /CNA





Lajmet e fundit nga