web counter
LEXO PA REKLAMA!

SHKARKO APP

App Store
Google Play

E fundit!

x

"SPAK, në vijën e parë të luftës ndaj krimit dhe korrupsionit"/ Dumani: Ka rezultate premtuese

2 Dhjetor 2024, 16:36, Aktualitet CNA
"SPAK, në vijën e parë të luftës ndaj krimit dhe
Kreu i SPAK-ut, Altin Dumani

Kreu i SPAK-ut, Altin Dumani, foli mbrëmjen e sotme për punën e Prokurorisë së Posaçme në takimin e Komisionit të Monitorimit të Këshillit të Europës, në Parlament.

Dumani tha se SPAK-u ka dhënë rezultate premtuese që janë përkthyer në çështje konkrete.

Ai deklaroi se SPAK ka ndjekur penalisht zyrtarë të lartë, deputetë dhe kryebashkiakë, ndërsa nënvizoi se ka sekuestruar 150 milionë euro asete.

“SPAK është në vijën e parë të luftës, duke ndjekur një qasje të bazuar në transparencë bashkëpunim ndërkombëtar dhe rezultate konkrete. Pavarësia institucioneve, kapacitet njerëzore dhe teknike kanë dhënë rezultate premtuese që janë përkthyer në çështje konkrete. SPAK ka kryer ndjekjen penale ndaj anëtarëve të Kuvendit, zyrtarëve të lartë, zyrtarëve të lartë të policisë, ndaj gjyqtarëve, prokurorëve, kryetarëve të bashkive, ish-kryetarëve të bashkive.

Krahas ushtrimit të ndjekjes penale për zyrtarë të lartë, SPAK ka në fokus edhe luftën kundër krimit të organizuar, ku falë bashkëpunimit me agjenci të huaja të zbatimit të ligjit, kemi bërë të mundur të godasim grupe të ndryshme kriminale, organizata të ndryshme kriminale të përfshirë në krime të dhunshme apo trafik droge. Krahas ushtrimit të ndjekjes penale, në fokus të SPAK është edhe identifikimi dhe konfiskimi i produkteve te veprës penale si për subjekte që janë ndjekur penalisht për veprën penale të korrupsionit dhe krimit të organizuar. Nga data e krijimit të SPAk drri ditën që flasim kemi sekuestruar një total asetesh 150 milionë euro”, theksoi Dumani./ CNA





Lajmet e fundit nga