E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

“Çështja e shekullit”/ Tomorri: Luhet para e madhe për të rrëzuar përgjimet e Sky-EncroChat

16 Tetor 2024, 19:24, Aktualitet CNA

“Çështja e shekullit”/ Tomorri: Luhet para e madhe

Gazetari Klodian Tomorri

Gazetari Klodian Tomorri e ka cilësuar dosjen e përgjimeve të Sky-EncroChat si çështjen e shekullit.

Me anë të një statusi në rrjetet sociale, Tomorri thotë se po luhet para e madhe për të rrëzuar përgjimet dhe për t’i cilësuar ato si të paligjshme.

Ai deklaron se në dispozicion janë vënë 100 milionë euro, ndërsa ngre aludime se dorëheqja e anëtares së Gjykatës Kushtetuese, Elsa Toska lidhet me këtë çështje.

Gjithashtu, gazetari thekson se nëse marrja e përgjimeve cilësohet si e paligjshme, Reforma në Drejtësi do të varroset përfundimisht.

Statusi i plotë:

Çështja e shekullit

Po luan para e madhe për të rrëzuar përgjimet e Sky-Encro si të paligjshme.

Ka zëra nga tregu që flasin për një shifër 100 milionë euro që është vënë në dispozicion. Por ndonëse këto janë gjëra që nuk verifikohen dot, ka një fakt që tashmë është në sytë e të gjithëve.

Anëtarja e Gjykatës Kushtetuese dhe dorëheqjen dhe shkoi në shtëpi, pa asnjë zhurmë, ditën për diell. Rrufe në qiell të hapur.

Presioni mbi Gjykatën Kushtetuese duhet të jetë i madh. Dhe ky nuk është presion, që mund të bëhet vetëm mga krimi. Sepse krimi nuk e ka atë fuqi. Kjo duket një lojë që po bëhet për të shpëtuar politikanë dhe njerëz të drejtësisë.

Ka një interpretim aty, që marrja e përgjimeve nuk është në përputhje me ligjin shqiptar. Problemi është që po ranë përgjimet si të paligjshme, Reforma në Drejtësi varroset përfundimisht.

Sot drejtësia e re ka jo pak njolla mbi shpinë. Nga inceneratorët deri te standardet e dyfishta në disa çështje.

Kjo e përgjimeve e kthen Reformën në Drejtësi në një paçavure të madhe, ndërsa ata që e sponsorizuan atë njerëzit më qesharakë të mundshëm.

A do ta pranojnë ndërkombëtarët t’ia u marrin përfundimisht kalanë? Kjo mbetet për t’u parë.

Por më shumë gjasa kjo e përgjimeve do të jetë çështja e shekullit. Të paktën, në terma financiare./ CNA

“Çështja e shekullit”/ Tomorri: Luhet para e madhe