web counter
LEXO PA REKLAMA!

SHKARKO APP

App Store
Google Play

Çështja “Becchetti”/ Shtyhet sërish seanca, çfarë kërkuan avokatët e biznesmenit

28 Prill 2025, 12:13, Aktualitet CNA

Çështja “Becchetti”/ Shtyhet sërish seanca,

Shtyhet sërish seanca në Gjykatën e Apelit me Juridiksion të Përgjithshëm ndaj biznesmenit italian Francesco Becchetti.

Sipas të dhënave, seanca do të duhej të mbahej sot në orën 09:00 por është shtyrë për një ditë pas zgjedhjeve në Shqipëri në 12 maj në orën 09:00.

Shtyrja ka ndodhur për shkak të kërkesës së avokatëve të biznesmenit, të cilët kanë kërkuar audio të seancave që janë zhvilluar në Gjykatën e Shkallës së Parë.

Pasi u tërhoq për gjykim, togat e zeza e pranuan kërkesën e avokatëve. Nga janari i 2024 deri me tani, seanca në Apel është shtyrë dhjetëra herë.

Trupi gjykues i përbërë nga gjyqtarët Genti Shala, Brikena Ukperaj dhe Dritan Hasani vendosën të pranojnë kërkesën e fundit të avokatëve duke u bërë me dije që do ia vënë në dispozicion me email sa më parë audiot e kërkuara, por edhe faktin që nuk do pranojnë më kërkesa të kësaj natyre.

Becchetti u akuzua për 4 vepra penale “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim Dokumentesh”, “Krijimi i skemave mashtruese lidhur me tatimin mbi vlerën e shtuar”.

Francesco Becchetti, biznesmeni italian ka marrë të drejtën për të konfiskuar 130 milionë euro nga paratë që mbante të bllokuara prej disa vitesh në llogarinë e Shqipërisë në Eurocontrol. Gjykata e Brukselit ka agjencinë Eurocontrol të ekzekutojë vendimin duke kaluar fondet e bllokuara në llogarinë e përmbaruesit./ CNA





Lajmet e fundit nga