web counter
LEXO PA REKLAMA!

SHKARKO APP

App Store
Google Play

E fundit!

x

Eksperti Qemal Çejku: Buxheti 2023 për arsimin, kopje e ngelësve të pushtetit

28 Tetor 2022, 20:23, Aktualitet CNA
Eksperti Qemal Çejku: Buxheti 2023 për arsimin, kopje e
Qemal Çejku, eksperti i arsimit parauniversitar

Qemal Çejku, eksperti i arsimit parauniversitar, e ka cilësuar draft-buxhetin për vitin 2023 si një kopje të ngelësve të pushtetit.

Çejku thotë se ky draft-buxhet ka ardhur në debatet e komisioneve parlamentare si një dokument kopje e vitit 2022, në formë dhe në përmbajtje.

Ai shprehet se arsimi i goditur rëndë nga pasojat e pandemisë gati dy vjeçare, edhe këtë vit nuk mori asnjë mbështetje nga ministria.

Sipas tij, buxheti i vitit 2023 për arsimin, turpëron jo vetëm propozuesit, që në këtë rast është ministria e Arsimit, por vendos në nivelin më të ulët dhe mendimin e ligjvënësve që u ofrohet ky draft për diskutim e votim.

Reagimi i plotë i ekspertit:

Buxheti 2023 për arsimin, kopje e ngelësve të pushtetit

Eksperti Qemal Çejku: Buxheti 2023 për arsimin, kopje e

Draft Buxheti për vitin 2023, ka ardhur në debatet e komisioneve parlamentare si një dokument kopje e vitit 2022, në formë dhe në përmbajtje. Edhe pse lufta në Ukrainë solli një tronditje të thellë të të gjithë ekuilibrave ekonomikë në Evropë dhe në rrajon, duke pasuar me një rishikim të detajuar të buxheteve në cdo sektor, kjo nuk mund të thuhet se po ndodh me qeverinë shqiptare. Asnjë rishikim fondi, asnjë politikë reformuese, asnjë vizion dhe plan veprimi për të mbështetur sektorët më jetikë të vendit sikurse është arsimi.  Lëvizja e vogël e shifrave në disa zëra të këtij sektori nuk përbën as minimumin e vëmendjes së një qeverie të përgjegjshme për shkollimin dhe edukimin e brezave të rinj, e ardhmja e cdo shoqërie. Ato pak paragrafë që shoqërojnë pjesën e buxhetit për arsimin , nuk japin   asnjë shpjegim apo  qasje sesi është orientuar strategjia e zhvillimit

Arsimi i goditur rëndë nga pasojat e pandemisë gati dy vjeçare, edhe këtë vit nuk mori asnjë mbështetje nga ministria përveç retorikës shterpë të Rilindjes dhe inaugurimeve paraelektorale të shkollave në Tiranë nga Lali Eri.

Eksperti Qemal Çejku: Buxheti 2023 për arsimin, kopje e

Buxheti i vitit 2023 për arsimin si një copy-paste nga viti 2022, turpëron jo vetëm propozuesit (ministria e arsimit), hartuesvmit, por vendos në nivelin më të ulët dhe mendimin e ligjvënësve që u ofrohet ky draft për diskutim e votim.

Buxheti për arsimin bazë duke përfshirë dhe parashkollorin, ishte 24,101,152 lekë në vitin 2022 ndërkohë risia e vitit 2023 kjo vlerë është 23,237,000 lekë, pra një ulje nga viti 2022, pra kemi një ulje të buxhetit më shumë se 4% për arsimin bazë dhe parashkollorët.

Buxheti i arsimit të mesëm në vitin 2022 ishte 7,535,328 lekë, ndërsa në vitin 2023 janë planifikuar 7,722,000 lekë, kjo është rritje por në fakt është ulje.

Buxheti universitar në vitin 2022 ishte 9,400,000, ndërsa për vitin 2023 buxheti është planifikuar 11,000,000, kjo rritje shumë e vogël do mundohet vetëm sa të përçajë profesorët nga kauza e tyre e ligjshme, pasi ata kërkojnë rritje rrogash dhe rritje të fokusimit për arsimin, për shkencën e kërkimet shkencore.

Pra, buxheti 2023 do të jetë 3,33% ndaj produktit të brendshëm bruto, por kjo % do të goditet gjatë vitit, por këtu është dhe buxheti për rininë i cili nuk ka shumë lidhje me arsimin, pra nuk bëhet fjalë për rritje të buxhetit për arsimin.

Në këtë buxhet flitet për nisma e politika sociale, duke mbështetur vajzat nga familjet në nevojë, viktima të trafikut, por siç e pamë në buxhetin për arsimin bazë dhe atë të mesëm kemi ulje të vlerave financiare, prandaj nuk e di se çfarë do të thotë një nismë pa mbështetje monetare.

Qeveria shqiptare sa herë që ka takime me donatorë si banka botërore etj, premton që vlera e buxhetit për arsimin do të jetë 5%, por në fakt ajo ngelet në vlera tradicionale të 3% me gjithë buxhetin për rininë.

Në relacionin për buxhetin 2023 kemi të njëjtat politika, nisma, premtime etj, me relacionin për buxhetin 2022. I vetmi ndryshim janë listat me bullet points dhe fillimi i fjalisë me bold, si duket mashtrimi dhe fiktiviteti i sistemit arsimor ka ardhur dhe në institucionet qendrore, apo ndoshta ka qenë e kundërta.

Ndërkohë si në çdo buxhet tjetër, edhe këtë vit i dhjeti për pushtetin e Rilindjes, as nuk u paramendua të zhvilloheshin paraprakisht tryeza dhe forume me ekspertë të arsimit parauniversitar, mësues e pse jo dhe prindër palë kryesore në shkollimin e fëmijve.

Në një vështrim të shpejtë pjesa e arsimit në draft buxhetin 2023 mund të sintetizohet me një frazë kyçe" Buxheti i arsimit është përligjja më e fortë e injorancës epike që po shkakton Rilindja/ B.A. - CNA.al





Lajmet e fundit nga