E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Eco Parku i Durrësit/ Gazetari: Si lidhet me kompaninë e inceneratorëve

7 Shkurt 2024, 21:42, Aktualitet CNA

Eco Parku i Durrësit/ Gazetari: Si lidhet me kompaninë e

Gazetari Julian Hoxha ka folur mbi Eco Park-un e Durrësit dhe si lidhet ky projekt me kompaninë e inceneratorëve.

Në emisionin Task Forcë me gazetaren Sonila Meço, gazetari është shprehur se Eco Park ka nisur një vit para tërmetit, ku ende nuk ishte hapur një tender për këtë projekt.

Gazetari Hoxha shpejgon se përgatitjet kishin nisur më herët pas deklaratave të kryeministrit Edi Rama i cili shprehej se do të kthente venddepozitimin e mbetjeve në durrës një vend rekreativ.

Sipas gazetarit kompania e inceneratorëve i dinte të dhënat teknike para se të hapej një tënder për këtë projekt.

Ai ngre pikëpyetjet se nga e dinte kompania se qeveria do të hapte një tender për projektin e Eco Parkut në Durrës.

“Pikëpyetja është ku shkuan 13 milionë euro nga 19 që u tenderuan.

Kjo lidhet me firmën e kryeministrit se ka qenë ai që e ka inciuar në daljet publike dhe ka qenë ai që nëpërmjet shpalljes dhe ngritjes së komitetit të emergjencës për shkak të tërmetit nxori një vendim që detyronte të gjitha bashkitë që mbetjet që do të krijoheshin do të shkonin në Eco Parkun e Durrësi në ish landfillin e mbetjeve urbane të qytetit të Durrësit.

Kjo është pika decisive apo firma që i hapi rrugë Eco Parkut. Eco Parku fillon një vit para tërmetit ku kompanitë nisën të lëvizin pasi kryeministri kishte bërë një deklaratë të mëhershme dhe një premtim, që atë venddepozitim do e kthente në një vend rekreativ. E përsëriti deklaratën në maj të vitit 2019 ndërkohë që kyreministri përsëriste deklaratat kishin filluar tentativat underground pra dy muaj më herët dy kompani, Integrated Energy kishte kontaktuar një studio arkitekturore për të hartuar një projekt.

Ku e dinte kompania që do të bëhej një tender? Kush i dha të dhënat teknike për landfillin, se ka të dhëna teknike se bëhet fjalë për sasinë e mbetjeve, për hapsirën, për zonën kadastrale të dhënat që duhet të ketë një kompani para se të hartojë projektin.

Nga e dinte kompania se qeveria do të hapte një tender për të bërë Eco Parkun?”, tha gazetari.

I pyetur nga gazetarja Sonila Meço se pse një kompani si Integrated Energy do të harxhonte paratë pa e ditur se do të ishin ata që do e merrnin projektin, gazetari tha se është bërë e njëjta skemë si për inceneratorët.

Del një kompani e cila propozon dhe bën një projekt në mënyrë private e paguan projektin 225 mijë euro dhe më pas del kryeministri që e konfirmon dhe e publikon projektin.

“Kjo është pikëpyetja këtu kemi të bëjmë një marrëdhënie mes privatit dhe shtetit.

Që një kompani të futet në një ofertë të pakërkuar sigurisht që ajo duhet të ketë disa indicie siç ka ndodhur në rastin e inceneratorëve. Skema është e njëjtë.

Del një kompani e cila propozon dhe bën një projekt në mënyrë private e paguan projektin 225 mijë euro dhe më pas del kryeministri që e konfirmon dhe e publikon projektin.

Këtu lind dyshimi se është kryeministri që e ka kërkuar këtë ose nëse është e kundërta të dalë dhe të flasë duhet të japë shpjegime”, tha gazetari Hoxha./ CNA