web counter
LEXO PA REKLAMA!

SHKARKO APP

App Store
Google Play

E bija “mollë sherri” për vrasjen e Çeços/ Nëna e Martina Pajollarit: Vajzën ma kërcënuan

17 Tetor 2022, 18:48, Aktualitet CNA

E bija “mollë sherri” për vrasjen e Çeços/

Martina Pajollari, e cila dyshohet se është përfshirë dhe është konsideruar si “molla” e sherrit për vrasjen e Martin Çeços, u la sot në burg nga Gjykata e Korçës.

Pas këtij vendimi, nëna e saj, Miranda Pajollari kërkoi që e bija dhe dy nga djemtë e arrestuar të lihen të lirë.

Sipas saj, Martina Pajollari dhe djemtë janë të pafajshëm dhe nuk kanë asnjë lidhje me ngjarjen.

“Ajo nuk ka faj hiç në këtë mes, i kanë rënë kot në qafë. Ne nuk kemi lidhje fare me atë djalin. Dhe këta dy që kanë futur atje prap s’kanë faj se janë me lidhje, na kanë ndihmuar gjithmonë me gjëra. Çfarë të them unë, nuk është e vërtetë, të lirohet çupa. Është pafajshme si çupa dhe ata. Ju bëjmë thirrje që të na ndihmoni”, u shpreh ajo.

Përsa i përket dëshmisë të së bijës, që dërgoi në pranga tre djemtë, Miranda Pajollari deklaroi për mediat se nuk është e vërtetë.

Ajo pretendon se vajza është kërcënuar, dhunuar dhe detyruar të pranojë se ka lidhje me ngjarjen nga policia.

“I ka thënë nga frika, nga frika i ka thënë. Nuk është e vërtetë fare. Ta them unë që nuk është e vërtetë. Dhe unë frikë kam. Po të ketë gjë, copa të ma bëjnë mishin mua dhe çupës, po ta ketë çupa fajin, po nuk e ka bërë. Ta them unë, nuk e ka bërë. E kërcënuan, policia e kërcënoi atje ku e mori.

Jo andej, po këtej, do tregosh të vërtetën dhe e vërteta është se njëherë e dy herë, pastaj nuk tha më gjë, pastaj tha prapë. Mami unë do tregoj se nuk kam çfarë bëj më, e goditën nja dy herë ajo shefja, ajo ishte e keqe fare”, theksoi ajo./ B.A. – CNA.al





Lajmet e fundit nga