web counter
LEXO PA REKLAMA!

SHKARKO APP

App Store
Google Play

E akuzuar për shpërdorim detyre/ GJKKO jep masën për ish-gjyqtaren Mimoza Margjeka

15 Dhjetor 2022, 15:04, Aktualitet CNA
E akuzuar për shpërdorim detyre/ GJKKO jep masën për
Mimoza Margjeka

Gjykata e Posaçme ka dënuar më 4 vite e 6 muaj burg, ish-gjyqtaren Mimoza Margjeka, por më pas ky dënim është pezulluar dhe është kthyer në shërbim prove për 3 vite si dhe i kanë hequr të drejtën për të ushtruar funksione publike për 5 vite.

Bashkëshorti i gjyqtares është dënuar me 4 vite burg, nën akuzën e korrupsionit pasiv.

Gjithashtu edhe Klodian Zhilla është dënuar me 3 vite burg nën akuzën e korrupsionit aktiv, ndërsa avokati Skënder Deminaj u dënua me 3 vjet burg, por dënimi u pezullua në shërbim prove.

Kujtojmë se policia arrestoi në korrik të vitit të kaluar një grup që transportonin klandestinë, mes tyre ishte edhe Orion Bali.

Fillimisht gjykata e Pogradecit e dënoi atë me burg, por më pas familjarët e tij, ndërhynë në procesin gjyqësor, duke dhënë 6 mijë euro, për ndryshimin e masës në Apelin e Korçës nga “arrest me burg” në “arrest shtëpie”.

Më pas SPAK vuri në përgjim personat e dyshuar duke zbuluar se në skemë ishte edhe bashkëshorti i gjyqtares, dekani i Fakultetit Juridik në Universitetin “Aleksandër Moisiu”, në Durrës, Arben Cara.

Mbi të pandehurit Nejton Bali, Klaudjo Zhilla dhe Skënder Demiraj, rëndonte akuza se në bashkëpunim me njëri tjetrin, i dhanë Mimoza Margjekës,  (ndërkohë që ushtronte funksionet në Gjykatën e Apelit Korçë, nëpërmjet bashkëshortit të saj, Arben Cara), një shumë parash prej 6 000 (gjashtë mijë) eurosh, si përfitim të paligjshëm./CNA.al

 





Lajmet e fundit nga