web counter
LEXO PA REKLAMA!

SHKARKO APP

App Store
Google Play

E fundit!

x

Dy ish-badigardët dhe Meta grabitën floririn në Krrabë/ Del në dritë një dëshmitare

24 Shtator 2022, 12:36, Aktualitet CNA

Dy ish-badigardët dhe Meta grabitën floririn në Krrabë/ Del

Avokati Idajet Beqiri ka paditur në SPAK kreun e PL-së, Ilir Meta, për grabitjen e floririt të Krrabës.

Sipas avokatit, Ilir Meta ka pasur dijeni të plotë për vjedhjen e arit në tunelin e Krrabës, sikurse e dinin të gjithë shqiptarët.

Në padi, siç raportojnë mediat, avokati ka folur me emra se kush mori pjesë në grabitje.

Sipas tij, në muajin dhjetor 1999, po në kuadrin e një grupi të strukturuar kriminal të drejtuar nga Ilir Meta, me një helikopter të Farkës, nën udhëheqjen e dy badigardëve të tij, Kastriot Braho dhe Kastriot Koçi, duke hapur me çelësat dhe kodet që dispononin dyert e tunelit, kanë kryer vjedhjen për herë të dytë të arit të ndodhur në Tunelin e Krrabës.

Gjithashtu sipas avokatit paditës për këtë ngjarje ekziston edhe një dëshmitare kyç.

Dy ish-badigardët dhe Meta grabitën floririn në Krrabë/ Del

Bëhet fjalë për një grua që nuk jeton në Shqipëri, por ajo thuhet se mund të zgjidhë misterin e vjedhjes së floririt të Krrabës.

Ekziston një dëshmitare që mund të zbardhë ngjarjen

“Një dëshmitare e rëndësishme (femër), e cila sot bën një jetë midis Italisë dhe Shqipërisë, gjeneralitetet e plota të së cilës, adresën e saj, etj., do t’i paraqesim pasi të thirremi prej Jush, në SPAK, për të dhënë deklaratën sipas parashikimit ligjor, ka dhënë prova dhe fakte shumë bindëse, edhe për shkak të lidhjeve shumë të afërta familjare që ka pasur me të dy ish-badigardët e Ilir Metës, për arkat me floririn dhe monedhat e grabitura në Tunelin e Krrabës”, thuhet në padinë e dorëzuar në SPAK.

Sipas avokatit, gjatë kontrollit të ushtruar katër vjet pas hapjes për herë të parë të tunelit me 7 prill 2000, u konstatua se nga 24 arkat speciale metalike në të cilat ishte vendosur ari në gjendje, monedha lira turke, napolona francezë dhe dollarë amerikane, 11 arka ishin krejtësisht të zbrazura.

Ndërsa nga 97 arkat e mbushura secila me nga 20 kilogram argjend, ishin hapur vetëm 2 arka, por nuk ishte grabitur asnjë gram argjend.

Nga 24000 napolona ari grabitësit morën vetem 3999 napolona, duke lënë pas 20001 napolona.

“Kjo tregon se këta grabitës kishin pasur një informacion zyrtar, që mund ta dispononin vetëm funksionarë të lartë të asaj kohe, sikurse ishte shefi i tyre, ish-Kryeministri Ilir Meta”,  thuhet më tej në padi./CNA.al





Lajmet e fundit nga