web counter
LEXO PA REKLAMA!

SHKARKO APP

App Store
Google Play

E fundit!

x

DETAJE nga sherri në Palasë/ Lokali frekuentohet nga persona me precedentë penalë

27 Gusht 2024, 11:25, Aktualitet CNA
DETAJE nga sherri në Palasë/ Lokali frekuentohet nga persona me
Foto nga sherri në Palasë

Në mbrëmjen dy ditëve më parë ne Palasë sipas policisë, ndodhi sherri masiv mes disa personave. 

CNA mëson se në këtë zonë në shumë lokale zhvillohen evente me personazhe të njohura dhe nuk mungojnë ato të zhurshmet, në të cilat ndodhin edhe konflikte. 

Një ambient zhurmues si rasti i datës  27 korrik u zhvillua festivali me muzikë elektronike, me pjesëmarrjen e DJ Amerikan, Roger Sanches, shumë i njohur në pjesëmarrjen e tij në festival të muzikës “house”,  në “Grammy Awards” i cili është shpallur dhe 4 herë fitues si “ Best House Dj”. (lexo këtu)

Theksojmë se ky lokal frekuentohet nga persona me precedentë penalë. Kjo konfirmohet edhe nga burime policore. 

Persona me të ardhura të larta të pajustifikuara frekuentojnë disa nga  ambientet luksoze në Palasë e Dhërmi, ku faturat shkojnë deri në mijëra euro. 

Vetëm çadrat dhe shezlogët shkojnë nga 100 deri në 500 euro në ditë. Mund të përmendimin këtu që rezervimet për tavolinat nê evente që  kanë shkuar deri në 10 mijë euro. Bëhet fjalë për tavolinat e para VIP. 

Në disa nga këto lokale në zonat e jugut shfaqen shpesh edhe persona me precedentë penalë, të cilët kanë pasuri të pajustfikueshme.

Konflikti: 

Raportohet se motivi i sherrit masiv ka qenë për shkaqe banale ku fillimisht mes personave të përfshirë janë përdorur frazat: ‘Pse më sheh! Pse më lag me shampanjë!’. 

Në total në këtë konflikt janë përfshirë 6 persona, ku janë goditur mes tyre me sende të forta. 

Siç shihet edhe në video disa persona të veshur me bluza të zeza grushtojnë mbi tavolinë një tjetër person duke e qëlluar në kokë dhe në pjesë të tjera të turpit.

Ndërkohë shumë pranë tavolinës, një tjetër ra në tokë dhe ka humbur ndjenjat. Për t’i ardhur në ndihmë miqtë e tij kërkojnë ujë që ta sjellin në vete. ‘Kape kape, ujë ujë ujë...’- thonë miqtë e tij.

Policia njoftoi se ka shpallur në kërkim dy persona, Xh. S., 28 vjeç, banues në Tiranë, si dhe G. B., 49 vjeç, banues në Durrës.

Sipas policisë gjatë konfliktit për motive të dobëta, këta të fundit kanë goditur me sende të forta shtetasin L. K., 42 vjeç./CNA





Lajmet e fundit nga