web counter
LEXO PA REKLAMA!

SHKARKO APP

App Store
Google Play

Budallallëku i Petrit Vasilit

8 Maj 2026, 16:02, Aktualitet CNA

Petrit Vasili, që mban detyrën e Sekretarit të Përgjithshëm të Partisë së Lirisë, ka ndarë sot një qëndrim sa absurd aq edhe konfuz.

“Drejtësi qelbësirë! Veliaj në krah të avokatit të tij, ndërsa Meta në kafaz!
Kush jua jep këtyre maskarenjve të drejtën që të përdorin drejtësinë si rreckë për të plotësuar dufin e hakmarrjes psikopatike të Edi Ramës kundër Ilir Metës? Skandal i padegjuar!Çfarë llum drejtësie është kjo? Çdo fjalë e keqe nuk mjafton ndaj këtyre maskarenjve të drejtësisë, faktet flasin vetë”,-shkruan Vasili në një postim në rrjetet sociale. 

Duket sikur Petrit Vasili nuk i ka aspak të qarta disa gjëra ose bën vetë!

Kjo pasi, së pari, Erion Veliaj nuk është në kafaz sepse është një gjyq në Gjykatën Administrative dhe kjo gjykatë nuk ka kafaz. Kur të shkojë në GJKKO dhe do të ketë përballjen penale, do të jetë në kafaz. Por Erion Veliaj, ndryshe nga Ilir Meta, nuk ka zgjedhur të shkojë në kafaz, pasi çon vetëm avokatët dhe nuk paraqitet në seancë gjyqësore në mënyrë të përsëritur.

CNA ka raportuar këtë zhvillim edhe me fotografi, kur ka qenë në kafaz për vendimet e masave të sigurisë në kafaz. Kur shkon në GJKKO, edhe Ilir Meta, edhe Erion Veliaj, të gjithë shkojnë në kafaz.

Nëse Ilir Meta do të kishte ndonjë gjyq me prokurorin e tij në Gjykatën Administrative, por nuk është aq i marrë sa duket krybashkiaku i arrestuar i kryqytetit Erion Veliaj me propagandën e tij, që të çojë prokurorë nëpër gjykata, por qëndron me dinjitet aty, hyn në kafaz edhe mban qëndrim.

Për më tepër, edhe fakti që Erion Veliaj ndodhet në krah të një punonjësi policie dhe tolerohet të takojë njerëz, personazhe publikë dhe të njohur si Robert Ndrenika, por edhe një tufë “vasalësh” dhe sharlatanësh, tregon se në Shqipëri nuk kemi të bëjmë me atë drejtësinë e ashpër, të egër, po është toleruar.

Nëse Ilir Meta do të takojë aktorë që i përdhosin në pleqëri, sharlatanë, palaço e klounë që përdorin ‘viza’ para se të dalin në ekran, mjafton që ish-Presidenti të bëjë një padi administrative dhe t'i mbledhë ata që ka pasur me vete, se i ka pasur edhe këshilltarë dhe të zgjedhur nëpër lista për deputetë./CNA





Lajmet e fundit nga