web counter
LEXO PA REKLAMA!

SHKARKO APP

App Store
Google Play

E fundit!

x

Berisha me tone të ashpra ndaj Serbisë/ Dënon sulmet në veri të Kosovës

11 Dhjetor 2022, 17:16, Aktualitet CNA
Berisha me tone të ashpra ndaj Serbisë/ Dënon sulmet në veri
Foto ilustruese

Kreu i Partisë Demokratike, Sali Berisha ka dënuar ashpër sulmet e Serbisë kundër policisë së Kosovës, Eulexit dhe mediave kosovare.

Me anë të një postimi në rrjete sociale, Berisha tha seVuçiç po vijon përpjekjet e tij për destabilizmin e Kosovës me anë të sulmeve terroriste të bandave të tij kriminale.

“Serbomadhi Vuçiç vazhdon haptas përpjekjet për destabilizimin e Kosovës. Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me bresheri njësitë në detyrë të policisë së Kosovës dhe hodhen granata kundër njësive të Euleksit, gazetarëve dhe ekipit të Televizoinit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit.

Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimez e tyre për garantimin e integritetit teritorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të kordinuara me Kremlinin të presidentit të serbomadhisë Vuçiç dhe bandave të tij kriminale në veriun e Kosovës”, ka deklaruar Berisha./ CNA.al





Lajmet e fundit nga